|
الصديق الرائع والشاعر المبدع صالح بن عطيه (أبورائد) إفتقدناه كثيرآ في ساحة الموروث ويعلم الجميع شاعرية الحبيب أبورائد وولعه بالموروث ولكن غيابه أزعجنا المهم بعد شيء من التقصي وجدت أن الرجال مشغول عالآخر وتضاربت الأقوال منهم من يقول العماره الله يتممها على خير ومنهم من يقول أنه مشغول بالأحداث الحالية والتي تعصف بالعالم كحمى الخنازير والكارثة الكونية المتوقعة عام 2012 ووو عذرآ على الإطالة ولكن تواجد أبورائد معنا يستحق ذلك .. عمومآ هذا بدع موجه لصالح عطيه ونترقب رده بلهفة .. البدع ياصالح السمع ماعمره تحمل خنا زير والزير لاعاد عاطب يحرج اللي نقع به حليل من يسمعه مجبور ولابلش فيه عانيت من ضعف وحيه ثم ونيت وآبيت مقروع يازير ماجتنا فوايد فنونه ...... وسلامتكم ............ للتوضيح مفردة (خنا) ليس المقصود بها الفحش بل ( قبيح الشيء) وورد أيضآ في معناها (وأخنى عليه الدهر : أتى عليه وأهلكه ) من معجم مختار الصحاح |
تراها حامت بقعا يا ابا رايد تراني سداد إذا كنت مشغول ابو ناهل وضع النقاط وبقيت الحروف وأنت لها ولغيرها .. |
شكرا / أبا ناهل على تخصيصي بهذه القصيدة اما انشغالي (( خلوها على الله )) إليك عزيزي القارىء ردي المتواضع العالم اليوم مشغولا بحمى الخنازير عساه ما ينتقل في شعبنا او نقع به يبقى في ارض الكفر ما يلتقي طب يشفيه ومن يصيبه يموت ولا يخلي ولا بيت من مات يبقى طعام الطير ما يدفنونه الأخ / عبدالله رمزي فيك الخير وما تقصر |
يعطيك العافية ياأبارائد ..ماشاء الله رد بديع لايخلو من الذكاء وترى الربع مشتاقين لإبداعك أما الظروف فالله يعينك ولولا معرفتي بذلك لما عذرتك عمومآ ترقب بدع بيجيك منه ولامنه وخلك جاهز |
الحبيب أبورائد : مبروك على نأهل النمور للنهائي وسأبارك لك بلكأس بإذن الله هذا أولآ أما ثانيآ فأقدرلك تتواصل معنا رغم مشاغلك وخذ هذا البدع (بالصلاه عالنبي) البدع قد قال صاحب لنا ياليتني ف الهوى آمير ولا كما روميو حتى ولو مابنشبه واليوم جاني يقل ياخوي لو تبتلى فيه تبقى تفكر وش اللي قدجنيته وش أديت يسم حالك ويتغير من الوجه لونه ......... وسلامتك ............... |
جميل منك هذا البدع ابا ناهل البدع قد قال صاحب لنا ياليتني ف الهوى آمير ولا كما روميو حتى ولو مابنشبه واليوم جاني يقل ياخوي لو تبتلى فيه تبقى تفكر وش اللي قدجنيته وش أديت يسم حالك ويتغير من الوجه لونه يالله يابو رائد حط النقاط على الحروف وانت قدها وقدود |
الأخ العزيز / أبو ناهل إليك وإلى الإخوة الرد وأتمنى تقبله على علاته واعذروني على القصور والتأخر ************** *********** ******** ***** *** ** * في سوق الأسهم تولونا كبار الهوامير ومن دخل سوقهم ما يخرج إلا بنشبة كم واحدا ضاع ماله فيه حاول تلافيه من بعد ما راح راس المال فالسوق شديت سوق الهوامير والعقال ما يجهلونه |
أخواني الأعزاء "ابو ناهل" "صالح بن عطية" يعطيكم العافية على هذا الإبداع وهذا الحضور المتميز والحقيقة ان ابو ناهل أبدع في إستعادة الحاضر الغايب "صالح بن عطية". فحياك الله يا"أبارارائد" ولاعاد يطول غيابك عنا. تحياتي للجميع ودعواتي لكم بالتوفيق والسداد محبكم ومغليكم.محمد بن هضبان. |
شكرا / أبا سعيد مع تمنياتي لك و لجميع الاخوان بدوام التوفيق |
حياالله ابوسعيد : تواصلك معنا اعتبره مكسبآ لصفحة الموروث لاعدمتك .. الغالي ابورائد : صح لسانك والله يعطيك العافية وكم نحن بحاجة ماسة لتواجد المبدعين مثلك لاعدمناك .. |
الأخوة الأفاضل / أبو ناهل وصالح بن عطية بارك الله فيكما وقارعة جميلة وكلام جميل والظاهر إن صالح بن عطية يبي له من يحركه ويسحبه وإلا فهو بعيد عن الساحات .. بصراحة ما حبيت ادخل معكم في القارعة قلت يمكن تبون توصلون لهدف معين أو بينكم علوم خاصة .. لكن جرى على خاطري هذا البدع .. والرد لأحدكما دون تخصيص .. ــ البدع الهم قطّع عروق القلب قطع المناشير حتّى عظامي حداها الوهن وتراكعت به ما ظن قلبي يعذبني وحبل الرجا فيه قل لي وش أخفيت يا قلبي من الهم وش أبديت ليت البشر يرحموا قلبي ولا يفتنونه |
حياك الله ياأبوسامي بدعت بدع موجه والمعنى في بطن الشاعر وبما أن ابورائد باقي (مبوز) من نكسة الجمعه أمري لله سأرد وخذها بحصلها البدع من (بن رمزي) الهم قطّع عروق القلب قطع المناشير حتّى عظامي حداها الوهن وتراكعت به ما ظن قلبي يعذبني وحبل الرجا فيه قل لي وش أخفيت يا قلبي من الهم وش أبديت ليت البشر يرحموا قلبي ولا يفتنونه الرد دريت عن مقصدي ياصاحبي ولمن آشير ماقلت لك لاتواصل قلب ماأوراك عتبه نصيحتي راعي النشبات والمر جافيه بهرجة الصدق والتقدير لك فالحشا بديت وقصرها لاتقاطع خل لايفت نونه ......... وسلامتك .......... |
ياأبورائد الغيبه طالت ! وش السالفه ؟ عمومآ هذا بدع جديد وعلى رأي أبوسامي سأترك الرد لأحدكما أنت او هو بحكم الميول (كإتحاديين) البدع ماهي غريبه مدربنا يهاجم بتيسير ويحط نايف في المحور وسلطان جنبه ولونقدنا عبيد يقول آنا مقتنع فيه جمهورنا عاتبوه وقالوا إنته تخطيت حدك وذا رأينا ياناس وأبغي تعونه .... وسلامتكم .......... |
|
أستاذنا الفاضل : سعيدراشد دائمآ تضيف لما نكتبه لمسة فنية مميزة تحفزنا نحن على غعادة قراءة ماكتبنا فكيف بمن يقرأه للوهلة الأولى لاحرمنا الله من هذا الإبداع ولاعدمناك .. |
أبوسامي وأبورائد وين الناس ؟ أكرر البدع ماهي غريبه مدربنا يهاجم بتيسير ويحط نايف في المحور وسلطان جنبه ولونقدنا عبيد يقول آنا مقتنع فيه جمهورنا عاتبوه وقالوا إنته تخطيت حدك وذا رأينا ياناس وأبغي تعونه |
| الساعة الآن 02:08 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir
