|
من المعتدي على فلاحه
بسم الله الرحمن الرحيم السلام عليكم ورحمة الله وبركاته من المعتدي بالبل حقته على وادي فلاحه من أعضاء ساحات وادي العلي فأبلكم أكلت طلحتنا المثمرة وأعتدت على ركيب ملاسي من المسئول عنها ورونيه عشان أتفاهم معه أرجو أن تمتعكم الصور أخذت من وادي فلاحه بوادي العلي أمس الأربعاء 13/2/1429هـ ولكم تحياتي ،،،،،،،،، |
أعتقد والله أعلم إنها لعبد الرحيم بن قسقس شفته وضع بعض صورها في موضوع سجل إسمك في قافة المعيصم !!! جزاك الله خير .. يا أبا علي الغامدي ربطت أعضاء الساحات بالوادي يعطيك العافية |
رغم إني مللت من شوفة الجملات في كلّ مكان من شروره ، إلا أن منظرها في وادي العلي يحمل طابعاً خاصاً ..
الإبل في شروره لا يعرف الذوق والإتيكيت ويخرج أمام مركبتك دون سابق إنذار ، ويطرب بسماع صوت إنزلاق الكفر .. وطبعاً له مكانة مرموقة ، حتى أن طرقاته تحمل لوحاتٍ تحذيرية مثلثة تضمّ صورة البشر وأخرى دائريّة تضمّ صور مركبات بني البشر السائب .. أما هذه الاثنتين فيتضح لي من اختيالهما في فلاحة ، أنه قد أذن لهما .. فمن غير الطبيعي أن تسيرا جهاراً نهاراً دون إذنٍ مسبق .. لو كانت في الربع الخالي معذورة لتأخر وصول العلم .. أما في وادي العلي فيفترض التبيّن من حالها ومناقشة أمرها لاتخاذ ما يلزم بشأنها .. وحتى تكون عبرةً لمثلياتها .. عزيزي : أبو علي الغامدي .. مشكور على الموضوع الجميل ، وبالتوفيق .. |
مشكورين
بسم الله الرحمن الرحيم السلام عليكم ورحمة الله وبركاته مشكور أبو ريان وأعتقد إن عندك علم بدسايس عبدالرحيم بن قسقس والظاهر ما بيحيل عنا هو وجماله مشكور أخي أنس العبادي الغالي ولد الغالي يرحمه الله ويسكنه فسيح الجنان وكلامك صحيح جداً وأنا معك في كل ما ذكرت وليست فلاحه كما الربع الخالي ولا شروره الفرق شاسع ولكن قولك أنه بإذن فأشك بذلك ولا أتهم وبعض الضن إثم 0 لكن لابد من التحقق 0 مشكورين على المرور العطر ،،،،،،،، |
اقتباس:
***** تصدق اني شفت الأول خارج من الطرفين ( وعارف لمن ؟؟؟ ) أما الثاني فمتأكد انه حق ناصر بن ناصر من رحبان الله يرحمه ويغفر له ام شي انتبه يا ابو علي لا يزهق في الرهوه ***** ***** |
الإتهامات تشير عليك
بسم الله الرحمن الرحيم السلام عليكم ورحمة الله وبركاته أبو توفيق كل الدلائل تشير عليك وأنا أحترت في الموضوع إنت تحاول إبعاد التهمه عنك وتتبلى غيرك وجمل بن ناصر مات قبل ما يموت بن ناصر ونحن نبغى الدليل الوكيد إنك بعيد عن الموضوع خاصة إن بعض الأعضاء شاهدوا بعارينك تشد رحالها0 |
ذكرتنا بالماضي الجميل
لولا الخير في الوادي ماقصدته الجمال |
النظر سلام :mad:
يالربع يا شركانا ... ترى صبرنا نعمه ... لكن ذلحين جمالكم عاثت ببلادنا ... وخصّلت شجرنا وداست بخريفنا دياس في فلاحه ... ولا يرضينا من راعيها عبد الرحيم بن قسقس إلاّ ان كان يبدي لنا البيضاء ... محضره اللي بعطيفه ومشعابه وبشونه ... ما عاد شي جنبيه ولا قديميه ... وانا ما هلا اترددهم ... لكن الله رشدكم في وحده من ثنتين : يالبيضاء يا .... يا .... نسيت مدري وشنهي الثانيه ........ :D :D :D |
اقتباس:
والله هذي توزه , تعاونوا عليه والسبب رحيمي أبو علي , والمشكله ان البعيد القريب صدقهم يا الربع جمالي وضح ومجاهيم ولا بعد جبتها من المشرق الجمل الوحيد عندي في الديره هذي صورته في الهويه الشخصيه الصادره له من مزايين الابل http://www.buraydahcity.org/upload/1...1193826529.jpg لكن مامعي إلا اخذ شركانا في صفي ويد ما تقدر عليها صافحها واقول لهم ما قال لهم عبدالله الزبير رحمه الله البدع يا سلامي على الدار التي واحدة من دورنا وأهلها واحداً منّا ولو كانت أرضه عبدلية غير وصى النبي فالجار وفي الشريك المستصين محضرة خير ياواد العلي لك من المغسل ودوره وأنت يا محضرة وادي العلي خير من قرية بشير لو يجيني صبيّ القرن لأنسر ذبحت الثور لأجله وأنت لو جا ألبشيري راح لحم الجمل في كل بيت خير منها فلاحة وأهلها بالعرب متسالفه وإن شاء الله نوريكم قريب صور جمالي الوضح والمجاهيم ***** |
ابو علي الجمال هذي بهذلتني زرعت شعير في ركيبنا في فلاحه وجمال الغباشي من المفارجة سارحة رايحة دايم اطردها وسويت سلك شايك حولها وتطلع من فوقه وتدخل الله الله يابو علي احم الركيب من الجمال وطردها روحاتك كثيره لفلاحة ابو علي حجزتها ثلاثة ايام جنب ركيب مسفر ابوعالي ولا احد سأل عنها ولا شيء (انفقع قلبي وخرجتها بعد العشاء من سجنها وعلى طول على الشعير راحت ) |
اقتباس:
إذا كانت الضالة إبلا لم يجز للملتقط أخذها، لأنها ليست ضعيفة كالغنم يخشي عليها الهلاك، وإنما هي قادرة علي حماية نفسها، وقادرة علي الحصول علي الطعام والشراب بنفسها. وقد سئل صلى الله عليه وسلم ( عن ضالة الإبل فقال: "دعها، فإن معها حذاءها (الخف) وسقاءها، ترد الماء، وتأكل الشجر حتى يجدها ربها (صاحبها) [متفق عليه]. فتذكرت قوله تعالى {يَا أَيّهَا الَّذِينَ آمَنُوا لَا تَسْأَلُوا عَنْ أَشْيَاء إِنْ تُبْدَ لَكُمْ تَسُؤْكُمْ} :( |
يالبعيد القريب
اقول هذي موب ضاله هذه عاثت في الارض فسادا المفروض يكون معاها راعي يرعاها مثل الغنم والغنم اقل شيء يردها اما الجمال ما يردها شيء اذن هذي مو ضالة انما صاحبها ما يبغاها صدقني لاحجزها مره ثانية واخليها شهر الين يجي صاحبها يسأل وحتى انت خالك مع ابوعلي انتبهوا للركيب حق المناشلة لا تنزل فيه الجمال واذا صرمنا اعطيناك شعيررررر تسوي خبزة (ملبووووزة) اهم شيئ ملبوزة |
يابو علي هذي قافلة شعب جعملة الي كانت بتوديهم المغمس خذها عبد الرحيم قسقس عشان يخرب الطلعة تعرفه رجال طيب . لكن ربي عوضنا لقينا بديل وطلعنا المغمس والحد لله ما كن سار شئ |
. ***** الحمد لله بان صاحب الجمال المهم جملي لا أحد يقرب منه تحيااااااتي ***** |
متملص
بسم الله الرحمن الرحيم السلام عليكم ورحمة الله وبركاته ما أسرعك يا أبو توفيق في التملص والهرب لكن الرجال يقول القافلة حقته وأنت أخذتها فمن المسئول عنها إنت ولا هو وأنا أنذرت وحذرت والظاهر إن ما فيه فايدة حل نحرها والتصدق بها فثلث هديه لمرتي وثلث صدقه لأولادي وثلث لي صاحب البيت |
يوم جاء البدوي مغير وطالع بالبل يسوقها
لحقة ولدالعباير هو وربعه طول الله عمره كودن العادي بمرتينه نجي وانجا رفاقته... |
والله ماتوقعتها منك ياابو توفيق جمال من ورانا وفي فلاحه والله انك خطير بس قولي بكم مسيوم الجمل والله انه كشخه ورى ماوديته مزاين البل
|
مشكور
بسم الله الرحمن الرحيم السلام عليكم ورحمة الله وبركاته مشكور عبدالحميد على المرور وكويس إنك مريت على رحيمك وشفت بنفسك ويش يسوي بالجمل مربيله تا وليته ويبغاه يفوز في مزايين الأبل ومدري كم قعد يجمل في شكل هذا البعيرين مشكور عبدالحميد على المرور ؛؛؛؛؛؛؛؛؛؛ |
| الساعة الآن 06:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir