|
مع البدر
السلام عليكم ورحمة الله وبركاته هذه المشاركة أحببت ان أخصصها لإبداعات مهندس الكلمة وفارسها بدر بن عبد المحسن ولن تكتمل إلا بما تضيفونه من نصوص البدر التي تروق لكم (( فاتر اللحظ )) فاتر اللحظ .. ياعذب اللمى .. يا قريب الدار.. يا بعد السما .. لوجرحت الروح .. لودمعي همى يا ظما المجروح .. ما بعدك ظما ************** في هجير الشوق .. ظللني بهدب من عذاب الجرح .. داويني بعتب اسقني منك .. رضى والا غضب .. *********** يا غريب الدرب .. واشواقك سفر العنا في القلب .. والشكوى نظر يا قمر بانشدك .. عن نور القمر لوجرحت الروح .. لودمعي همى يا ظما المجروح .. ما بعدك ظما ********** يا سواد العين .. والدمعه شجن لا يصير العمر .. للفرقى ثمن الدقايق .. شمع .. ذوبها الزمن لوجرحت الروح .. لودمعي همى يا ظما المجروح .. ما بعدك ظما _________________ |
(( الله يعلم )) اللة يعلم إني حاولت أسند على كفي السما .. وأناظر الشمس أشرب عن عيونك ظما أشرب ظما الشمس وقلتي عسى ... جفنك عسى مايحترق حاولت ماأغمض عيوني ونفترق حاولت انا مانفترق _ _ _ _ _ _ _ _ آه لو تدرين لوتدرين .. لعود العاشق حزين يمشي على جفن وجبين .. لاباس يالقلب الشجاع ضاع الأمل .. وما لك عذر من لمست عيوني الشعاع زندي أنثنى .. ورمحي أنكسر _ _ _ _ _ _ _ _ _ _ _ إن لمسني حزنك الطاغي بغطي وجهي الوجل بيدي وجرحيني .. جرحي .. جرحي ثم ابعدي ريحي الصمت بكلام آة .. لو كلمة ملام إرجعي تحت الظلام .. عوَدي في سنا القلب اللي توه يحترق ................................ غمضت أنا عيوني غمضت أنا عيوني ياإنت بنفترق واللة يعلم .. إني حاولت _________________________ |
قصيدة / ما هو زمن مرزوق !!! :: http://farm4.static.flickr.com/3098/...1367f044a2.jpg :: مرزوق.. الشايب اللي .. كله عظام عروق .. ولد .. يوم الليالي بروق .. يوم النهار اعشاب .. وغدت باقي السنين المجدبه .. ترسم تجاعيده .. في وادي الطلح .. طفلٍ حبا .. فوق الصخر والشوك .. مرزوق .. ومر الصبا .. وهاذي السنين بروك .. مثل الجمال بروك .. ومقيده .. مد الايادي .. وفك الحبال .. اطلق الجمال الباقيه .. السنين الباقيه .. ورحل .. مرزوق .. من زمن النخل والطين .. دخل مغارة التنين .. في ومضة اللحظه .. اولحظه النار .. كان اللهب ازرق .. يوم احترق مرزوق .. وجه الصباح اشرق .. عليه غيم .. غبار في كل الصحاري الاوله الوقت سيارةٍ تجري والدنيا في الشارع .. ماهو زمن مرزوق .. كيف يقدر يصارع .. هذا الحديد .. الناس .. لاهو يَعرْف يسوق .. ولو يقطع الشارع .. يخاف لاينداس .. فجأه وقف مرزوق الشايب اللي .. كله عظام .. عروق .. مات .. وما في الليالي بروق .. مافي النهار اعشاب .. ومن يدري الاسباب .. يمكن .. ماهو زمن مرزوق ... :: |
المبدعة شموخ دائمآ تأتي إضافتك لتحلق بذائقتنا نحو آفاق أكثر رحابة لاعدمنا هذا التوهج ... (( دروبي رمل )) في دروبي رمل لامن جيت ساري ينبت الأشواك لامن رحت ساري صاحبي ماجيتك إلا وفي طريقي من ربيع العام نوّار وخباري ولا تواعدنا وبه في الأرض زهره ولا تفارقنا وبه للبرق طاري لا تأخر دام لي في العمر ساعه ولا تقدم لين أشوفك في انتظاري الزمن ورده .. سهرت أحسب ورقها وإن قضا ماجيت في دموعي عـواري حبـّني كثـر اللـذي نلقـى بوعـدنا من ظلال وريح ونجوم وغـداري صاحبي مثل الخجل لو تكتسي بي قبل أصير الشال يذهلني انحساري ياقريب البعد .. للشكوى أسامي الجفـا .. والخوف .. وآخرها حذاري وانت لو خان الزمن بقول وافي لا أنا تركي .. ولا أظنك مشاري _ _ _ _ _ _ _ _ _ _ _ _ _ _ __ _ _ _ _ _ _ _ |
لـكــن :: :: http://sahat-wadialali.com/vb/upload...1228848735.jpg دروب الارض 00 لكن 00 انا احس السفر ساكن00 دروب الارض 00 ما بين الاماكن 00 ولغير الارض وين بنروح 00 نسافر 00 كأن الصوت يرجع للحناجر 00 كأن الدمع00 يرجع للمحاجر 00 كأن الجرح 00 يرجع للخناجر 00 مثل كل الطيور اللي تهاجر 00 وترجع كل مره 000 تعب هاالبحر لا يجتاز جدران السواحل 00 تعب هاالبر 00 لا يرقى الجبل 00 تعب هاالقلب 00 لا يصبح امل 00 وانا لي سنين واحل 00 حملت الطين كله 00 لكل الطين 00 تخيل يا انا المسكين 00 كم لك 00 على هذا الانا 00 مصلوب دروب الارض 00 لكن 00 ما للارض لو تبغى الهروب 00 دروب 00 :: أخي : أبو نـاهل تواجدي ... لوجود الإبداع هنا وقصائد البدر إختيار مذهل .. ممتنة لطِيب ترحيبك .. أختك / شمـوخ |
( حلم ) أطوي الجديلة في كفوفي .. وهي ليل ولا من طويت اليل .. صار الجديله حلمٍ جمعني فيك .. ما كان بالحيل حلمٍ ولكن .. شوفتي لك قليله ناديت لك لين إسمعتني المواصيل واشتقت لك .. كن العمر صار ليله ولمستك بروحي .. وكانت قناديل أصابعي .. والقلب نار.. وفتيله ما هو غريب .. أبتل من جارف السيل لا شك ينبت في عروقي خميله _______________________________________ |
<< جــــــــــده >> http://www.alriyadh.com/2008/04/26/img/284076.jpg إسقي كل البحر .. من طلك عذوبه .. وانثري ضيك عليه .. في المساء مر .. وشذى عطرك في ثوبه .. وماسك الشمس بأيديه .. وش عليه يلعب فـ شعرك هبوبه ويغسل أقدامك في مده ويكتم أسرارك في جزره ويلقى في رملك لـخده لا تعب .. حضن ومخده وكل ما جا الطاري في عرس وخطوبه .. وقلنا مين هي العروس .. قالوا : جده لسا صوتك أسمعه .. آخر أيام الربيع ويالمنادي في الطريق .. وش تبيع بأشتري عمري العتيق .. لو تبيع ولسا كيلو اربعه له مكانٍ في النفوس .. وتبقى أيام الرطوبه والطفوله .. والجري تحت الشموس أجمل أيام فـ حياتي .. لما بيني وبين ( صالح ) تبتدي حرب البسوس .. وتنتهي مرة بسهوله .. أنا العب فـ الظلال وهوَّ يدخل غرفته .. يفتح الرادو ويغفى وانا أحفر للمراكب .. في حدود الظل مرفا وفي ضلوعي حلم .. وأمطار وخصوبه ابني العالم وأهده .. وكل ما جا الطاري في عرس وخطوبه .. وقلنا مين هي العروس .. قالوا : جده إسقي باقي العمر من طلك عذوبه .. وشدي أوتار الحنين .. مثل عود واعزفي قلبي يعود .. خصله من ليل الظفاير .. وضي من قمر الخدود نرخي الماضي ونشده .. خيط قي البحر و جلب ولو رحلنا عنها مدة .. وقلت أسماك الشعب تبقى دايم هيَّ جده .. وهي مكان اللي نحب ___________________________________ |
http://ektob.com/uploads/r/reenad/3328.jpg (( شمس الورق )) أنابظهر من سكوتي قبل شمس الورق ما تغيب قبل حبر الليالي يجف .. وانا ماغنت جروحي قصيده .. خذتها من طفل .. ما اظنه ابد بيشيب ولكنه نزح عني .. مثل إحساسي بروحي ابا اكتب للسماء نجمه.. ابا اكتب للخزامى طيب واباكتب لين احس القلب لا يكتب ولا يوحي يموت في قلبي الشاعر ويغتال المشاعر ذيب ولا ادري افزع لضحكي .. او أحمي صرختي ونوحي حزينه هالقوافي لا .. ولكن من يعرف الغيب سعيده هالقوافي .. بــ انتظر لين آخرة بوحي تعالي نتبع الضي البعيد في عتمة التغريب ولو مليتي من أجمل قصايد غربتي روحي _________________________________________________ |
صعب السؤال ؟؟ :: http://www.costpernews.com/wp-conten...stion-mark.JPG صعب السؤال .. ليه نفترق !! صعب السؤال .. وين نلتقي إنتي الجنوب .. وأنا الشمال .. وما بيننا .. بحر .. ورمال لكن نحب .. واللـه نحب .. وفوق الخيال .. صعب السؤال يا اللي اجمل من كلامي عنك وأقرب من سكوتي آه يا طول المسافة بين احساسي وصوتي ما هو غريب .. إني أسألك و إنتي أنا .. كيف أوصلك !! لا مستحيل .. هذا الرحيل من يقطع الصمت الطويل http://sahat-wadialali.com/vb/upload...1229440010.png و يــدلنـــي .. قصيدتي .. وين الحروف .. جف القلم يا ضايعه .. ببرد الكفوف .. رعشة ألم قصيدتي .. إلا الندم .. إلا الندم بتسافرين .. وانتي معي وبترجعين .. وانتي معي قصيدتي .. لا تسمعي .. غيري قصيد يا ساكنة افـ ورق الحشا .. وحبر الوريد :: |
فم الجروح :: http://www.bollywoodserver.net/uploads/6650f099a3.jpg فم الجروح .. نوافذ البوح .. هـذي الثقوب في الصارخ الحي .. نوافير من ضي .. وجدار .. املاها بحديث النار .. واكسرها على اقدام الاماني .. مره أغاني .. ومرها .. كلامٍ جارح .. وهذا القصيد ..اللي كتبت البارح .. اليوم .. انفاس الصباح .. تلفح جروحي . . آه .. ياصبحٍ لمحت في عتمته روحي .. طفلةٍ تصدح على خشب المسارح .. ياصوتها الغاضب المقطوع .. بعض السواد .. شموع .. ومحدٍ درى وش قلتي .. خانتني الجوارح .. مثل القصيد اللي كتبت البارح .. :: |
[img]http://l5li.***********/المسافر-راح.gif[/img] (( المسافر )) لا تلوح للمسافر .. المسافر راح .. ولا تنادي للمسافر المسافر راح .. يا ضياع أصواتنا .. في المدى والريح القطار وفاتنا .. والمسافر راح .. _ _ _ _ _ _ _ _ _ يالله يا قلبي تعبنا من الوقوف .. ما بقى بالليل نجمة ولا طيوف .. ذبلت أنوار الشوارع .. وإنطفى ضيّ الحروف يالله يا قلبي سرينا .. ضاقت الدنيا علينا القطار وفاتنا .. والمسافر راح .. _ _ _ _ _ _ _ _ _ مادري باكر هالمدينة وش تكون .. النهار والورد الأصفر والغصون .. هذا وجهك يالمسافر لما كانت لي عيون .. وينها عيوني حبيبي .. سافرت مثلك حبيبي .. القطار وفاتنا .. والمسافر راح .. ______________________________ |
:: تخير http://sahat-wadialali.com/vb/upload...1230107982.png أنا ما أشير بالفرقا .. ولا أحدك على المقعاد تخير في طريق الوصل .. والا درب هجراني حرام الوصل ما يجمع قلوبٍ عن هواها بعاد وبعض البعد لو عذب يجمع بين خلاني تحسب ان الهوى ضحكة دقايق عشتها في ميعاد إلى ما رحت تنساها .. وتنسَى الوعد وتنساني ألا يا صاحبي .. الرفقة ترى مَا هِى ثياب جداد تبدلها متى مليت .. وتلبس غيرها ثاني إلى ضاع الوفا .. مابه هوى بارجيه أنا .. ووداد ترى ذا الفرق .. بين أقرب قريب .. وبين عدواني تحاكيني بطرف لسان وهرجي من صميم فواد وتاقف من بعيد .. ويم درب الموت تنخاني :: |
http://img525.imageshack.us/img525/7029/rose777af8.gif نسيم الليل هب النسيم وداعب الغصن رواح يحمل معاه العطر من كل وادي بعثرجدايل ناعم العود مزاح باس الشفاه وضم لدن الأيادي ما عاتبه موضى جبينه ولا شاح أعطاه خده .. وانتشى بالبرادي لا يا نسيم الليل قلب الخطا باح والعين ملت جفنها من سهادى يا ليتني مثلك خلي ومرتاح ما أحد نشد عن غايتي .. عن مرادي ولا طاب لي غصن من الغى مياح أروي غليل القلب لا صار صادي لا شك أنا بالحب كتبت لي جراح شربي حزين الدمع .. والصبر زادي لا جيت أبا أدله عن زماني الذي راح قالت ليالي الشوق00وين أنت غادي .............................. |
:: مراجيح http://www.modawanati.com/uploads/r/roo7/40773.gif مراجيح 00 تحمل الاطفال00 للشمس الغاربه 00 وتجيبهم 00 في جيوبهم خوف وفرح 00 و الريح 00 تطوي عباة 00 وشيال 00 أمٍ سواد عيونها ارجوحةٍ ويدينها قلبٍ يشد حبال 00 علمي بهم 00 والشمس خيلٍ هاربه 00 في الليل ويم جبال 00 والدنيا ما فيها احد 00 الا طفل 00 طفل ومره 00 طفل ومره ورجال 000 :: |
http://farm1.static.flickr.com/173/4...4f8af36b60.jpg (( ليلة تمرين )) ليلة تمرين .. عطرك السافر فضح .. وردالبساتين وكثر الكلام .. صحيح .. جرحت الظلام .. بالخد.. وبنور الجبين .. ليلة تمرين .. يا عذبة التجريح .. شفتك بعرس الريح والشال الذهب .. يحجب سنا الشمس الذهب كانت عيونك حزن .. كانت غضب .. وكثر الكلام ليلة تمرين .. يا غيرة الورد .. جرحها الكلام .. حبيبة الورد .. عاتبها الظلام .. مرت بليلة برد .. وكانت وفا عطر ودفا.. وليه الملام يامجرحة صدر الظلام.. بالخد .. وبنور الجبين ليلة تمرين __________________________ |
:: حسايف http://sahat-wadialali.com/vb/upload...1230531667.png التفت ... وتوها ... توها ما اختفت ... ماكساها الليل ... باللون الحزين ... التفت ... وتعالت صرخته ... في نظرته ... صاح ... لكن بالنظر ... وانكسر .... شوفه عثر ... حسايف .. تذبل الضحكه وهى بين الشفايف .. تذبل الفرحه وتضيع ... ويصبح الكون الوسيع ... مايكفي خطوتين .. لاكساه الليل باللون الحزين .. يوم مدلها يده .. كانت الرجفه لقا .. ودعت فيها الشقا .. وتركت بين الاصابع .. عطــرهــا .. وعمرها ... ما جت على وقت الوعد ... إلا ذاك اليوم ... و عمرها ... ما بكت .. و ما ضحكت ... ما حكت له .. واسكتت مثل ذاك اليوم ... كانت أجمل من خياله ... كانت انضر ... كانت أكثر ... من أماني عمره الظامي حنين .. و اختفت ... من كساها الليل باللون الحزين اختفت في الطريق اللي معه ... كانت تجيه ... كيف دربٍ جمعه معها ... خذاه ... ليتها اختارت سواه ... تزرع القرقا لياليها ... عليه ... وحسايف ... حسايف ... :: |
http://www.uae4pic.com/~up/uploads/626691d933.gif (( مرتني الدنيا )) مرتني الدنيا .. بتسأل عن خبر .. مابه جديد .. عشاق ليلة تفارقوا .. وصاروا بعيد .. لا طاحت نجوم السما .. ولا تاه في الظلما قمر .. لا تاقف الدنيا .. وتسأل عن خبر .. مابه جديد .. اسهل من الكذبة .. على شف الطفل .. فرقى الأحبه يا هوى .. أحلى من الحلم اللي ودي لو كمل .. كانت ليالينا سوى .. لا طاحت نجوم السما .. ولا تاه في الظلما قمر .. لا تاقف الدنيا وتسأل عن خبر .. مابه جديد .. لا تاقف الدنيا .. على أول طريق .. فرقى الأحبه يا هوى .. لا تسأل جروحي متى خان الرفيق .. عهد المحبه والهوى لا طاحت نجوم السما .. ولا تاه في الظلما قمر .. لا تاقف الدنيا وتسأل عن خبر .. مابه جديد .. |
:: أنــتي حلـم http://sahat-wadialali.com/vb/upload...1232739956.png انتظرتك .. عمري كله .. وانتي حلم ومرت الايام واللـه .. وانتي حلم.. ليه تأخرتي علي .. توهي مره واسالي .. كوني في غير الزمان .. والا في غير المكان كوني عمري .. عمري كله.. اللي باقي .. واللي كان.. انتظرتك عمري كله .. وانتي حلم .. كل نجمه شعشعت والقلب عتمه .. كانت انتي .. كل حرفٍ حرك شفاهي بكلمه .. عنك انتي .. وكل حبي اللي مضى والحب قسمه .. منك انتي .. :: |
http://bp3.blogger.com/_gIoS7yWIIHg/...0/s400/008.jpg (( بحر العيون )) تـقول اللي طرف عينك أنا مدري هدب أو iiعود أحـس أنـي مـن الـلي صابها ماشوف iiقدامي هـمست وقلت : لاتخافي على بحر العيون iiالسود عـلى شـط الكحل مريت ، وهذا موضع iiأقدامي أدوّر عـن ذهـب عـمري ، بقايا كنزي iiالمفقود وأشوف الموج يطوي الموج ويبحر مركب iiأيامي عيوني بسمة اعيونك ، ولو صارت مطر iiورعود أبـشرب من ظما دمعك ، وابغسل جرحي iiالدامي عـطيني عـيونك الـليلة وبـاكر ياعساه صدود أمـانه لا مـسحتي الـكحل خلي طيف iiأحلامي أحبك كان يكفي الحب ، وجروحي في هواك شهود أنـا الـلي راس مـالي حلم ، وهم الدنيا iiقدامي |
:: هــمّ ! http://myweb.saudi.net.sa/thamer/desings/waham.jpg هم .. يافؤادي هم .. بالوتر بالشادي بالزهر ..بالوادي هم.. يامساالحب ..ياالدنيا.. يامسا الحب ليلنا حب.. ياالدنيا .. ليلنا حب لبست الضي الشوارع .. والدروب والمباني .. شامه في خد الغروب والمدنيه..غادةٍ .. حسنا..لعوب هم .. يافؤادي هم اعطني زهره..وانا ابيع الظلام.. واشتري للحرب ... سربٍ من الحمام .. من يعيش فـ حب .. بيموت بسلام.. وهم ..يافؤادي هم :: |
http://vcard.seheb.net/images/pic_2003-12-28_173044.jpg
ياصاحب آه يا صاحب .. راحوا الأصحاب والزمن غالب .. والأمل كذاب والوفا .. آه يالوفا .. خانوا الأحباب .. ما بقى صاحب ياصاحب .. يستحق اعتاب .. تضحك دموعي .. للزمن والناس .. وغدت ضلوعي .. في الرجا والياس وانت لو تدري شـ اللي في صدري .. قلت لي .. لا باس .. ما بقى صاحب ياصاحب .. يستحق اعتاب .. ضاعت أيامي .. أرجي اللي غاب شابت أحلامي .. والزمن ما شاب وش بقى قلي .. غير أنا وظلي في أرضنا أغراب .. ما بقى صاحب ياصاحب .. يستحق اعتاب .. |
ما بقا لي قلب http://www.flh7.com/vb/uploaded/13879_1233726761.jpg ما بقالي قـلب يشفع لك خطيّه ذوبـته اجروح صدّك والخطايا صاحبي باللـه ... لا تعـتب عليّه العَـتـب ما عاد تاسَعه الحنايا كلّ جرحٍ فات لي منك هديّه وش بلاك اتخاف من ردّ الهدايا اللـه أكبر ... كيف مالك مقـدريّه وكل ما تحمله من هـمّي بقايا لا تمنّيني ... سَرَاب المهـمهـيّه الـقـرَاح اليوم ... ما يروي ظمايا وان غَدى للحب في قلبك شظيه وش يقـول اللي غدى قلبه شظايا |
( مري علي ) http://img231.imageshack.us/img231/4...dw8tzjmsls.jpg مري علي قبل الرحيل .. مري علي مثل الوفا .. مثل الجميل .. مري علي مري علي .. ردي حياتي وارحلي .. مري علي .. من بعد شوفك ما عليّ .. مري لو الفرقا قهر .. قولي قدر .. يمكن زماني اللي غدا .. ظنك غدر عذر العيون السود .. دمعه ما تفيد تمحي الظلام وتجود يا امل الغريق مري علي .. ردي حياتي وارحلي .. مري علي .. من بعد شوفك ما عليّ .. الله وش قبل الجفا غير الوفا غير البكاء لك والحنين .. كان الامل انك تجين .. وتسألين.. الله الله وش بعد الجفاغيرالجفا الله يعين الصابرين .. الله يعين ............................. |
|
الغالي ساهرالليل دائمآ مبدع لاعدمت هذا التواجد .. http://www.qwled.com/vb/imgcache/81002.imgcache ( حمام ناح ) يا حمامٍ ناح هيج شجوني .. في هزيع الليل .. سهرت عيوني ناحت الورقا في ليل .. ذكرت قلبي الرحيل آه .. يا ويل المفارق .. ضاع في ليل المفارق .. والذي صبره قليل لا يفارق .. أول الغربه شجون .. باقي الغربه ظنون آه .. يا قمر الغريب .. ساعة الظلما تغيب .. والذي دمعه قريب .. لا يفارق .. ليل .. يا ليل الدموع .. يا ترى كيف الرجوع .. آه .. يا ظلم المسافر .. لو عن الغربه نسافر والذي قلوبه شموع ..لا يسافر .. |
http://www.m3rof.com/vb/images/uploa...cbc50937d7.gif الله العالم وين ياخذنا الهوى.. الله العالم يا ترى جرح أو دوا.. الله العالم قلي يا فجر ضوى وين ياخذنا الهوى ليه نسأل والسفر.. في بداياته المهم نبعد كثير.. عن نهاياته قلبي بالشوق ارتوى وين يأخذنا الهوى أنتي أحلامك بحر.. ملحه دموعي وأنتي جروحك قمر.. ليله ضلوعي وأنتي يا عمري الهوى وين ياخذنا الهوى أنا أحبك ما أبي.. للوله آخر الحزن يوم مضى.. والفرح باكر دام أنا وأنتي سوا حنا يا عمري الهوى __________________ |
http://www.alqnas.com/vb/attachment....1&d=1195920832
سلِّم يا حابس النور فكفوفك سلّم عسى ينجلي همك أنس الزعل خلنا نشوفك مد العتب نسبح فيمك الناس ما همها ظروفك كود الذي يحزن لغمك أنس الزعل خلنا نشوفك مد العتب نسبح فيمك وإن شلت حملك على كتوفك بتموت محدٍ ترى يمك أنس الزعل خلنا نشوفك مد العتب نسبح فيمك ....................................... |
؛ باقـي فــرح http://sahat-wadialali.com/vb/upload...1245973953.png اللحظه اللّي مقبله .. بدري على ... اللحظه اللّي مقبلة ... بالهون يا مستعجلة ... باقي فرح ... لو ما تسرعتي على شمس المغيب ... وقفت ثواني ما اغربت ... وساعة وداعك ما اقربت ... لو ما اختصرتي من السما ... شبر إنتظار ... طال النهار .... ابسألك ... حنا نعيش اللحظه والا نعدها ... نركض على سطور الزمن ... ونقرا من كتاب الزمن ... صفحه ... عشان الصفحة اللي بعدها ... أجمل من نجوم السما ... إني أنا وانتي ... انتساءل ... يا ترى ... يا ترى وش بعدها ... |
http://www.dubaieyes.net/up/Folder-0...69f41abc8c.png وعود وأعذار عطني فـهواك الصبر لاصرت قاسي تبدي حنان وداخل القلب جبّار لا صار قلبك خالي الحس ناسي وتلعب على المشتاق بوعود واعذار ولا صار فيك من الأمل كثر ياسي وعندك يقين وتارك القلب محتار لا من نسيت اولي نويت التناسي اترك وراك لباكي العين تذكار اشرب معاه الوهم لا جف كاسي و لا ما حصل شوفك أضمك بالأفكار يا حارمٍ عيني لذيذ النعاسي ومعذبٍ روحي بجنّتك والنّار |
مررت من هنا وطاب لي المقام مع بدر الكلمة الا الهوى ابعتذر ... عن كل شيء ... إلا الهوى .. ما للهوى عندي عذر .. ابعتذر .. عن أي شي .. إلا الجراح .. ما للجراح إلا الصبر .. إن ضايقك اني على بابك أمرّ ... ليلة ألم ... واني على دربك مشيت عمري وأنا قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... ا تصدقي ... ما اخترت أنا أحبك ... ما احدٍ يحب اللي يبي ... سكنتي جروحي غصب ... ياحبي المرّ ... العذب ... ليت الهوى وانتي ... كذب ... كان اعتذر لك عن هواي ... ما أقول أنا ... كوني معاي ... ان ضايقك اني على بابك أمرّ ... ليلة ألم ... واني على دربك مشيت عمري وأنا ... قلبي القدم ... ابعتذر ... ابعتذر ... كلي ندم ... عن كل شيء ... إلا الهوى ... ما للهوى عندي عذر ... الله كريم .. حبك ... يكون ... همي القديم ... وجرحي القديم ... والله عليم ... يا أحلى العيون ... ان الفراق ... جزا الفراق ... ابوعدك ... كان الطريق بيبعدك ... بامشي الطريق ... وكان الجحود بيسعدك ... مالي رفيق ... ابجمع أوراق السنين ... وأودعك ... كان الفراق اللي تبين ... الله معك ... |
http://1.bp.blogspot.com/_FxJ2vztoh0...49w/s400/rope- http://www.dohaup.com/up/2009-06-04/...1187856474.png -------------------------------------------------------------------------------- لا تشد القيد ... تجرح يدي ... أو تجرح القيد ... قيدك غدى يوجع يدي ... سجني أنا انت ... وسجنك أنا ... والحب ... الحب عبدي وسيدي ... ............................... دمي ... جرى ... دمك ... همي إني اشوفك في يدي ... وإلا يدي همك ... في معصمي صرت ... إنت السجين في معصمي ... وكانك تصبرت ... أنا مقوى الصبر ... دمعي في عيني ... وصرختي تملا فمي ... سجني وسجاني ... أحزانك احزاني ... وشلون ابنساك ... وشلون تنساني ... ..................................... محبوس في عيونك دمع ... وزنزانتي ... تقطيبة الحاجب ... وحاول توارى في الجفا ... يا وجهه الصاحب ... بتشوف نفسك في يدي ... قيد رقيق ... قيد سلب حريتي ... ليته طليق ... يا صاحبي ... ما به ابد قيد طليق ... لا ... لا توجع يدي ... ............................................. |
(( آناحبيبي )) آنا حبيبي بسمته تخجـل الضـي يكسف سنا بدر الدجى من جبينه راعي العيون الناعسه رمشها في وإن سلهمت ذاب الحشا من حنينه له نظرة لاهي سـراب ولا مـي راعي الهــوى تفنى وراها سنينه نور الصبايا بسمة الدار والحـي نوره على شمـس الضحى مستبينه دامه معي أغلى الحبايب فأنا حـى بالقلب اضمه يـوم قلبـى ضنينــه له في ضميري من لهب الوله كـي روحي معه عذب المناجـى رهيـنـه يا صاحبي لا تنشد الروح عن شـي أنا حبيبي .. نور كـل المــدينـــه ........................ |
قبل الوداع
(( مانسيتيني )) ما نسيتيني علمتني نجمة الصبح وزهرة البستان .................................. تصرخ الجدران الهوى البيبان لو هجرتيني يحلف الهجران ما نسيتيني ......................................... احرقي جسور الوصل بينك وبيني وازرعي الاشواك غمضي عيونك عسى ما تشوفيني واقفلي الشباك باقولها مره لو الحروف مره مستحيل الياس باقولها وانتي في الجفا حره انما الاحساس ما نسيتيني ............................................. كل عاشق له امل ينتظر باكر موعد الخلان آه انا رغم الجفا راضي وصابر واسأل النسيان باقولها مره لو الحروف مره مستحيل الياس باقولها وانتي في الجفا حره انما الاحساس ما نسيتيني .............................................. |
عندالوداع
(( سافري )) ........................................... سافري كان يرضيك السفر جربي لو ورى ليلي صباح بدلي الرمل بأمواج البحر واتبعي الغيم تحملك الرياح سافري لين تبكين المطر واضحكي لين ما يضيق البراح ولا تعبتي وحسيتي بضجر خلي الشوق لديارك جناح أرجعي في ابتساماتك عذر مثل ما الدمع في عيني سماح انتي العين من طول النظر وانتي القلب من كثر الجراح ................................................ |
http://www.dohaup.com/up/2009-05-30/..._194897269.png ((ارفض المسافة )) أرفض .. المسافة والسور .. والباب والحارس .. آه أنا الجالس ورى ظهر النهار .. ينفض غبار .. ذكرى أرفض .. يكون الإنتظار .. بكره أبسقي ..عطش قلبي اليابس.. على اشفاهي .. بقول أحبك .. أرفض إني أموت في قلبك مادرى بموتي أحد .. حتى أنا أرفض الصورة .. على الرف البعيد وجهك المحبوس في ورق وحديد أرفض احساس الحبر وجرح سكين السطر .. أرفض الليل ..الحصار حبنا خلف الجدار مثل البكا .. حبيبتي تحتاجني ..تحت الظلام .. ومثل الفرح .. حبيبتي أحتاجها .. وسط الزحام [IMG]http://echo5.***********/photos/1512725_l.jpg[/IMG] الحب علمها السكوت .. والحب علمني الكلام .. أرفض الصمت .. الحوار بيننا .. خلف الجدار.. |
| الساعة الآن 06:35 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir