محاوره على الهواء مع ابو سامي
بلغني ان الاخ ابوسامي ومجموعه من رفاقه في رحله سياحيه بالمغرب فارسلت للأخ ابوسامي بدع وقام بالرد عليه واستمرت المحاوره بيننا عبر رسائل الجوال حيث تولى ابوسامي البدع واليكم مادار في هذه المحاوره وكما يقولون المعنى في بطن الشاعر والموضوع غير قابل للتأويل فالمحاوره واضحه انها حول موضوع معين اليكم المحاوره البدع الاول مني ماحد يروح المعارض حزة المغرب لاتشتري موتر إلاالوقت به سافر عشان تبصربنفسك وين هي الفاقه ماشفت حد باع موتر والمقاعد له الرد ابوسامي ياخي علي لاتلمني في هوى المغرب وان كان عندك شكك في هرجتي سافر ماحد يلوم الذي طفشان له فاقه والهم والحزن والتفكير قاعد له البدع ابوسامي يابونزار الذي ماحب ماينحب والحب في وردته ماجاء على الخاطر من بعد ماشاب عوّد فتش اوراقه والعد يجري قباله ماشرب نهله الرد مني عثمان خده على كفه مسى ينحب تقول ملقوص والا صابه الخاطر من غيبتك جو مكه قال ماراقه إمسي لفانا على الديره وخلا اهله البدع ابوسامي اخوك عايش بظلمه وابصر الكهرب شاف الطبيعه وشي(ن) يسعد الناظر الروح مرتاحة(ن) والنفس مشتاقه لابد في كل عام اكرر الرحله الرد مني ياليت عندي بصيره كان معك اهرب مااحتاج في سفرتي ثوب(ن) ولامناظر لاشفت قدام عينك رزق فاحتاقه لاعاد يشتاق قلبك للهوى رح له البدع ابوسامي ياخي علي كل شي شفناه ماينسب والطرف ينظر في الوارد وفالصادر نناظر الزين لكن مالنا طاقه وش حيلة اللي مثيلي صار في وحله الرد مني الشيب ياصاحبي لابان ماينسب والعافيه لااقبلت فالعمر فالصادر لاضاق صدرك فقم وألمح من الطاقه واحذر من الوحل لاينشبك في وحله البدع ابوسامي مكناس تسبي العقول وجوها يطرب حتى جمال الطبيعه عندهم نادر والشاهي المغربي يعجبك بمذاقه فالصبح والعصر والا الليل مامله الرد مني قال المثل زامر اهل الحي مايطرب ياصبر قلبك على الطالع وذا نادر كني بجنبك عشاكم زاد حذاقه لكن ماظن تنسى خبزة المله البدع ابوسامي كل المقادير يالصاحب بيد الرب خلق جميع العباد البر والفاجر والرزق ذا قد كتبه الله لك ساقه لاتحسب ان الحياه تاجيك بالسهله الرد مني من هو غشيم في السفرات فيدرب احذر تجر العلوم الخافيه فاجر الصاحب اللي معك ظني تعب ساقه لاتنشبه بالجبال اندر به السهله |
إبداع في البدع والرد ليت المحاورة تطول حتى لويتم تغيير القارعة شكرا لكما |
. ***** صح لسانك يا أبو نزار وصح لسان أبو سامي ابدعتما فيما قلتم وياليت تعرج على موضوع بعض الناس جلده ياكله http://sahat-wadialali.com/vb/showth...d=1#post166542 و اكتب بدع والا رد وخلنا نشوف من بيشجع أبو سامي تحياتي وتقديري ***** |
شكراّ ابو نزار كان ودّي يكون بقي الموضوع بيننا لكنك احببت أن يطلع الأخوة على المحاورة والحمد لله الساحات كانت في سبات ومواضيعنا حركتها شوي البدع الجاي عندك وابو رمزي طلب تغيير القارعة |
صحت ألسنتكم والقاف شاب .. غيرو المقراع .. ولكن خلوها في المخيم بأذن الله لا تلهمدون بمشاعركم خلوها إلين يعود أبو سامي وفي المخيم نقلبها لعب مهشوش وإن شاء الله يكون خالد وفهد الغنيم موجودين .. ونخليها أسر ياليل هيا عودوا يا عبدالله أحويتم , |
انأ مع الريس بقوا لنا وللمخيم شوية وحقيقة إبداع بدع ورد 0 لكن ما ودنا تنجدون على التلف وتتلخبط الاوراق وينكشف المستور وتطلع الريحة وفي البيوت من ينتظر ويستنكر ويحتج تحياتي لكم جميعا 00
|
صباحكم عسل على رسلكم ياقوم ... ( إن بعض الظن إثم ) نحن أناس لا اسرار عندنا ولا نخفي شيئاَ ما في قلوبنا تنطقه السنتنا وتكتبه ايدينا ونحن ندرك ما نقول ونفعل . لاتذهب بكم الظنون بعيداَ طبيعة البشر هكذا . وعندما نعود سيكون لنا حديثا مطولاّ وغير مشفر . حسبي على من شك في اقوالنا |
يعطيكما العافية وصح لسانكما وبمشيئة الله يعود أبوسامي والرفاقه بالسلامه |
دام ابوسامي عاد الى الديار بحفظ الله فانا معي له علوم اسمع يابوسامي ياصاحبي لارفعت الصوت فالقالي حزّرت علم(ن) بنفسي وانت حزرته بارفق بحاله وودي به يرافقني انا على نيتي وانته على نيه |
حياك الله ياصاحبي صدقني لو قلت لك : كأنك معي في نفس الرحلة وانت من السعودية كنت الونيس لنا في ديرة الغربة وادخلت علينا جو الفرحة والإبتسامة وكنا نفرح عند ورود رسائلك .. وابشر بالفزعة إذا سافرت انت علمني واونسك ببعض ما نسميه قصائد .. اسمع اسمع وعلم اللي ما بعد درى الرد لو كنت خايف من اهل القيل والقالي ماكان سافرت للمغرب ولا زرته واللي معه خوف بالله لا يرافقني ما اقولها سر باعلنها علانية |
تسلما على
القصائد الجميله ونود الاستمرار شكرا من خارج الحدود شكرا ابو سامى |
اللي على بالهم ماهو على بالي جاكرني مجنون بالشارع وجاكرته لاشفت درب الخطوره وانحى سبني راعي الملايين ماهو في حرى ميه |
الرد الرحلة القادمة ياخي على بالي ودي نزور الجبل ذا وسط جاكرته ماضقت ما الناس ربّي ذا يحاسبني مانيب طماع في مال الحرامية |
اللي يلاغيك يالصاحب ويالغالي ماعيني اقعد على صحنه و ماجبته ولو طلبته بعيره لايعايرني اقفى زمان النوافع والشرازيه |
الله عليك يا بو نزار اسمع اسمع ماحد يلوم الذي يشريك يالغالي اموت ما القهر لو شفته وما جبته ولا حسبت الذي لجله يعايرني والله ما قد قناه ولا شرا زيّه |
الظاهر لي اثناء توقف الموقع للصيانه اليوم بعد المغرب فقد المنتدى بعض المواضيع ومنها آخر مشاركه في هذه المحاوره لذا ساعيد البدع ليضيف ابوسامي الرد ونواصل بعد ذلك السارق اللي يقول المال هو مالي ماعيني افتيه في ذا المال وانت افته يومه هدم جدر غيره ثم جاء يبني مافاد من عملته ياخي سوى سيه |
الظاهر إنك تدوّر لحتفي .. وش فيك انت تحدني على التلف .. خلاص الرحلة الجاية باخذك معي خذوك .. الرد / عبدالله راعي الفتن والمشاكل ماله ومالي لو كان ظفراّ بكف اليد لنتفته وش مقصده في كلامه يوم جايبني يحسب زماني زمانه بالسواسيه |
اسمع ياخي لاجاني الرد عالمطلوب فن جالي والقاف يلمع وبالصابون صبنته لاجيتكم بالضحى وقت المساء مرني خلك من اهل التعصب والحلافيه |
الرد/ عبدالله إذا زعل صاحبي باعطيه فنجالي يامر وينهى علي ويقول صب انته سامرت مضنون عيني يوم سامرني يقول سيب البشر كل الحلا فيّه |
الحاقد اللي من المعسول يحلا لي مايدري ان الشبى بالسم حديته يقول ياليتني مرسي وانا حسني اخاف لاشاف بقعى يدرق فيه |
من هو غشيم في السفرات فيدرب
احذر تجر العلوم الخافيه فاجر الصاحب اللي معك ظني تعب ساقه لاتنشبه بالجبال اندر به السهله ماشاء الله تبارك الله على هذا الابداع استمتعت بجميع ما طرح هنا موفقين يارب |
ابو نزار صاحبك الذي يحلوي لك الكلام .. تراها مجرد مجاملة وبدون شك لن يدّرق فيك بل ستكون الضحية لو حدث شيء . اسمع وابيك تعلّمه بردّي هذا .. وقله ابو سامي يقلك وط مناقيع الزير فوقه .. الرد اللي كلامه حلي له ما بيحلا لي على دروب الخطر والتلف حدّيته نحس جميع البشر واليوم ناحسني لا مدّ كفّه تشوف اليد رقفيّه |
ضيعت صاعي وتطلبني بمنخالي ياراعي الحب قبل الكنز ذاريته واللي شرى له تمر ويقول بايعني وش حاجتي بالتمر كله سرافيه |
الساعة الآن 11:25 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir