|
تهديد اليتيم
السلام عليكم ورحمة الله وبركاته إخواني أعضاء ومراقبي ومشرفي وإداري ساحات وادي العلي الكرام اليوم جائني تهديد من بعض محرقي العشاش يطالبوني بالتواجد بالساحات وإلا هجموا علي دفعة واااحد وكما تعلمووون أنا يتيم وكذلك الغنم سعرها مرتفع فأذعنت للتواجد خوفا منهم ورحمة بالغنم خاصة بعد هطول الأمطار لعلها تنعم بالعشب الأخضر ولا أود أن أكلف على ميليشيات رحبان ورافعهم لما هوأكبر لأنهم يمكن يأكلووون الأخضر واليابس وأنا ماودي على محرقي العشاش بخلاف لذا أحببت أن أقطع إستراحة المحارب وأتواجد فلكم مني وعد بالتواجد كلما سنحت الفرصه وبدون تهديد ولا تنسوا إني يتيم ودمتم بوووود0 |
اقتباس:
ما يقدرون .. ما هلا يحنمون من بعيد .. حدهم خبت نعمان .. ويعودون من طريقهم .. أتخيل شكلهم اللي قدام يعود ورا .. يقول لا والله ما عيني .. افلح انت أنا راسي بعد أبغيه .. وإذا تجرأوا وطلعوا من الهدا .. اثنين يسدون .. بنرسل لهم خالد وحمود .. والا صالح بن محمد لحاله بيسد فيهم : كم حذفة من راس الهدا ولا عاد تشوف لهم أثر إن كان ودك تعود لإجازتك ما فيه مانع .. وبعدين تنتفاهم ( اللهم استر يا رب لا يكن أني نشبت مع محرقي العشاش .. با جرب المرة هذي .. ووقت اللزوم الشردة ما هي عيب .. من ذل سلم ) |
انأ متأكد أن لا احد يجرؤ على مهاجمتك وخلني أقولها ليتهم يسلمون فأنت قائد ميليشياوي لا تجارى ومحرق عشاش 0 خير من يمثلهم 0 وهنا الكل يحبك وأنت أدرى بنفسك وكلهم 0 كويهم 0 على البارد ولا يسبب جروح ولا فيهم مغلوث 0 عودا حميدا وأهلا وسهلا 00 |
. ***** عز الله يا أبو خالد ان ودي يكن عصعصت شويه وانا كنت ناوي اطلع اليوم الطائف نستمتع بالجو الربيعي ونعد الخطه المناسبة ولكن الله ستر انا باعترف عشان اثبت اني لست من محرقي العشاش ***** |
. ***** ردي الاول قبل ما اشوف رد أبو صالح وأبو فيصل الله يمتعهما بالصحة والعافية وانت وانا معهم لكن انا بعد افكر واعود ارد برد ثاني (الله يستر) ***** |
شرفتنا بعودتك يا ابا خالد وعلى الرحب والسعة والذي يرشك بماء نرشه بدم ( ابّي ابّي ) وما عليك من محرقة العشاش حتى لو هددوك ما يقدرون يسوون شي . والله يحييك تراحيب السيل . |
يالربع فيكم من صلى على النبي اللهم صل على محمد وعلى آله وصحبه اجمعين انا يوم شفت رد ابو فيصل وابو صالح وابو ياسر قررت وحزمت الليله حقائبي وانطلقت إلى الطائف اشوف هذا اليتيم اللي يشتكي من محرقة العشاش ويستجد بمليشيات رحبان وقلت مالها يا ولد بوعلامه الا تبتدي بابو صالح ثم تعرّج على الدوابحه واحد واحد لكن الدوابحه ما خلوني اكمل مشواري وخذوها من قاصرها وسوو عشا ابد له وخيل وعلوم سفره وبعدها البن والهيل والشاهي الوان واشكال والصور خير برهان http://sahat-wadialali.com/vb/upload...1334267501.jpg http://sahat-wadialali.com/vb/upload...1334267501.jpg http://sahat-wadialali.com/vb/upload...1334267501.jpg http://sahat-wadialali.com/vb/upload...1334267559.jpg http://sahat-wadialali.com/vb/upload...1334267559.jpg http://sahat-wadialali.com/vb/upload...1334267942.gif ولو كنت ادري ان ابو توفيق مسحاته فوق كتفه كان اعطيته خبر لكن خيرها في غيرها والايام جايه يا ابو توفيق |
هذه خيانة يا ابا اديب وستعرض على مجلس التأديب ، وخل الهروج ، بغيت امر بغيت اسوي ، كل هذه المسائل ما تسقيك ماء . يا اخي على الاقل عذر قل شي قل لي ربع في جدة باعرض عليهم . الكلمة الاولى والاخيرة لمجلس التأديب بقيادة ابو سامي وابو توفيق ما اقدر اقل الريس علي لان علي مع علي وشده ميل دائما وفي صف القايمة ولو تكن العجرا كما الجبل قال : ما فيها شي واقر من الصراط المستقيم . وإن غدا لناظره قريب :belokan: |
من رأيي إننا نجتمع أسفل عن الهدا حيث تنتهي مسؤوليتي
ونعد الخطة ونعلن المهلة وبعدها ياسلموا يا نتناوشهم في عقر دارهم وكل واحد ياهب لبه من صديقه يبدي يختبره لا يلحقون علي وعلي وإذا نويتم مباغتتهم علموني أرسم لكم الخطة فأنا أعرف مداخلهم ومخارجهم ولا يهمونكم أبد وأنا أقترح تفاجؤونهم الأسبوع هذا حد وأنا في ينبع حيث اللقاء الأول للمناهج وأنتظر منكم الأخبار أول بأول ولا تقعدون في حرايه لين آجي وأديس وأذري وإن هبيتم العقل منكم واكتفيتم شر الشيطان فا هي فقة المهم لا حد يخرعكم خاصة انت يا أبو ياسر يا حفيد الحنتم يا أكالين الضباع ومطعمين الذيابة ولا يجيني عنكم علم والا يتعالمون غامد وزهران إن رحبان أهتبدوكم بالحصى من راس الهدى الله الله في القالة الله الله في الشجاعة واصبروا ورابطوا فالحرب صبر ساعة وأنتم والله منها أقرب فهذا أخو سفيان قد وردت خيله الأنبار ويا غارة الله هبي الله أكبر والنصر لكم الله أكبر والنصر لكم وإذا غلقتم علموني با خلي جوالي مفتوح وبشروني دخيلكم وبشروني عنك ما يدرون عني ما دروا باللي شغل فكري وظني. .. آسف على الاستطراد فقد أخذتني حماسة العربان |
يا أبو سهيل لن نضطر لاستخدام الميليشيات 0 بيننا وبينكم جن 0 السر 0 وبيت مجدوع وسمو بالرحمن وابو خالد جاهز بس اقبلوا 00
|
ابو ياسر ... من كفاني نعّمت له .. والحمد لله إن ابا اديب طلع عاقل وهبا العقل منه وباشر بالصلح والحمد لله ما امسى إلا على كثيرة الشحم من اللي طلع على شانهم المهم حدد موعد أنت ومحرقة العشاش على شان نغدي عند ابو اديب ناخذ العلم وشوف وش كانت النهاية وما يكون خاطرك إلا طيب |
يا الله اصبحنا واصبح الملك لله هيا اهكبوا وتعوذوا من ابليس فتنه وانهيناها ونار بغت تاكل الاخضر واليابس وطفيناها انا ريحتكم وفي خاطري اني حطيت روس البقر في المعالف بدل ما تبدون لي البيضاء بتعودون عليه وانا احتميتكم وخذتكم في وجهي يالله لا تغير علينا هذا جزاء المعروف لكن صدق المثل لا تعمل خير شر ما يجيك ومن مين من ربعي الي في خاطري انهم عزوتي ولباس جنبي وذراعي وعصايه اللي ما تعصاني وعصابة راسي واحد يشبها والثاني بن فيصل من ينبع يهدر بزغد غيره وهو يعرف نفسه لا يحذف ولا يجيب حصا مدرق في ينبع ويرغي شوي من الخرعه نلقاه لقاها مصر في اقرب مركب ويقول علموني كنه بيجيب الماء ومخضخضه اقول اركدوا وادعوا الله في سلامة ابو اديب والا والله لافك عليكم ميليشيا رحبان يتنبزونكم واحد واحد هذا علم ياصلكم ويتعداكم تراني رحيم وعاني ورحباني والي مايدري يدري والا اجيه الى حده واعلمه هاااا وعفاكم |
أشكر كل من تداخل بموضوعي وتعاطف معي ولكن ودي تتفقوون على علي ابوعلامه لأنه قااال لي أنا جايك ومعي مجموعه من المصلحين وزهب العشاء فأستعديت وكما شاهدتم بالعشاء إللي ماهلا أستلفت قيمته وتفاجأت به يحضر لوحده ويقول ماعليك منهم أنا أسدك فيهم ولو دريت كان وفرت المبلغ وخذت له نفر واحد وإلا كان مريت به على خالي حسن العفاس وتعشينا عنده والأن الرأي عندكم ولاتنسوون تخبروني أجي معكم تحياااتي لكم جميعا 0 |
لا تفاوض ولا تفاهم ولا تنازل لن نركع لن نستسلم ( باقي لن ما لقيت لها شي مناسب ... ) قائد المعركة مسافر ينبع ولهذا سننتظر لحين عودته وسيتقلد الموطى وسترون علما ما شفتموه من قبل انا اعرف ابو سهيل اذا عصب وخروا عنه ، هو صحيح الذي يشوفه من بعيد يقل رخمة لكن اذا قرب منه وشاف حمرة عيونه يدري انه عنتر زمانه ومن هو عنتر إلى جوار راعي الموطى ؟ لا عنتر ولا غيره عنتر ما يسوى فتيل . واما ابو اديب فمخطي ولهذا بننفذ شور بن رمزي طول الله عمره وننصاه في بيته ونشوف وش اغداه على ما حصل . :horse::horse::horse::hamar::hamar::hamar::kill-sword-dueling::kill-sword-dueling::kill-sword-dueling::92::92::92: |
حلوا مشاكلكم قدام آجي
وأنا أعلمتكم والخطة عندي وباهبها لكم تحت الدرجة ولا تقعدون في حرايه أبد وأنا ما هلا عندي شغل في ينبع وللأسف ما عينه يغلق لين تنهون مشكلتكم لو أقعد سنة فلا تشرهونا من الناس تكفون ولا حد يزيد يدعيني عندي شغل |
عرفو يصطادون اللي كبريته في جيبه ولينو ضرسه ماينخاف عليهم يعرفون من يصطادون ولكن اللوم على من تربع على التباسي ونشرها وفضح نفسه انه يمكن يندهن سيره ، بيتعذر بانه رحيم وعاني وهذي مناسبه خاصة كلها حكم انا قلت من السابق نكلوه من بدري عشان يتوب عدينا الأوله والثانية ......وال وضري الدوابحه عداهم العيب ماحد يلومهم من حصل على طلبه ودور عليه ماحد يلومه اللوم كل اللوم على صاحب كمرة التصوير يحتاج الى قرصة
اذن قوية |
لا تراجع ولا استسلام لان غياب ابو خالد عن صفحات الساحة امر صعب تحمله لذلك اطلب من خوياني ان يعملوا حسابهم اني معهم في تقدم الميليشيات ودير بالك يابو خالد عندي خدمة 15 شهر في الجيش صحيح ذلك كان قبل 26 سنة لكن كما يقولون الدهن في العتاقي |
. ***** اشوف بعض الناس خفت صوتهم ولا لهم الطاري واشك ان تليين الضروس اعطى مفعوله ولا بد من تقصي الحقائق خاصة وان ابا سهيل راجع بكره من ينبع ولا يرضيه هذا السكوت ***** |
اقتباس:
عليك به يا اباحاتم شد الهمه واقرص أذنه بس خذ لك حصمه على شان لايتعور تراه صاحب وصديق من القدم شكرا لك |
اقتباس:
الحبيب غامد اوي انا الآن ما أدري أنت معي والا ضدي نحن قوووه منذ زمن واسأل أبا فيصل ويجيبك وزد على ذلك عندي دورتين تطوع بالجيش والدفاع المدني ولكن كما قال ابا فيصل خالد وحمود عالذمه او صالح محمد ابو يد شمال قويه ماتخطي الهدف يكفونا فيهم وشايلينك لعوزه لوكنت معانا ولوكنت ضدنا فاحذر من الثلاثي السابق ذكرهم ترى مايعرفووون المزح وخاف على راسك منهم ههههههه اسعدني حضووورك يالغالي لك ودي وتحياتي وتقديري |
اقتباس:
ننتظر ماتقررانه انت واحمد فيصل لاتبطي علينا وفقك الله تحيااااتي 0 |
| الساعة الآن 09:24 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir