|
مجموعة قصائد الأمير خالد الفيصل ( دايم السيف )
البست شعري غتره وبشت وعقال=وخليت تغريب المذاهب لغيري في ساحتي للفكر مليون مدهال=وبحري بمكنوز المعَرفه غزيرِ مافي عروقي غير الإسلام مثقال=أموت واحيا به قليل وْكثيرِ اعتزّ بالاسلام والعمّ والخال=وعلى العروبه والاصاله أغير آباءنا واجدادنا ذبّوا الجال=والّلي يبي درب المراجل يسيرِ موروثنا مجدٍ وفخرٍ ومنهال=نبني عليه ونستحث المسيرِ ماني بمفتونٍ بصرعات الاجيال=مع كل صياحٍ نهبّ ونطيرِ لي رايٍ امشي به ولي عزم رجّال=ولي لابةٍ إذا بغيت استشيرِ آل السعود الّلي لهم كل ماطال=ماينزلون إلا الطويل العسيرِ آل السعود مطّوعة كل عيّال=مايضربون إلا بسيفٍ شطيرِ آل السّعود الّلي لهم فيْ وظلال=وان شدّت الاّيام غيمٍ مطيرِ |
حنا العرب يــــا مدعين العروبة=وحنا هل التوحيد وانتم له أجنـــاب وحنـــا شروق المجد وانتم غروبه=وحنا هل التاريخ وأنتم به أغــراب يوم الفقر شلتوا علينا عيوبـــــه=واليوم عقب النفط جيتوا لنا أنسـاب ويوم الفقر فينــــا البداوة سبوبه=واليوم صرتوا مثلنــا بدو واعراب لو الهوى منكم منعتم هبوبـــــه=لا شك رزاق الملا رب الأربــاب ولو المطر منكم منعتم صبوبـــه=لا شك رزق الخلق من عند وهـاب جيش الحسد سقتوا علينا حروبــه=كل يبي يزرع على جسمنــا ناب حرب على المحسن تراهـا عقوبة=بالله عســـاكم ما تفيدون حراب يا ما عطينــــا ما ندور مثوبه=إلا من اللي من ترجــاه ما خاب ويا ما نصرنـا صاحب ضيقوا به=عاداتنا نقدم الى مالردى هـــاب ويامـــا نصانا من تعثر دروبه=يدخل حمانا من تعذرة الأصحـاب حنـــــا بنينا دارنا من طيوبه =وانتم سلبتوا داركم كل ما طــاب الله سقانا من بحرنــــا عذوبه=وانهاركم مثل البحر هدر تنسـاب حنا زرعنا الحب بارض خصوبه=وانتم زرعتوا كره الأجيال بتراب وحنــا دعينا السلم نوبه ونوبـه=وانتم حمــام السلم بعتوه بغراب يا من دعا للحرب ما درك خطوبه=لا تحسب أن الحرب تهديد وخطاب من شب نار الحرب يصلى شبوبه=ومن ثور الفتنة تعرض للأسبـاب ما يستر الرجــال ملبوس ثوبه=الدين وافعال الكرامــة له ثياب ما يقبل الرجال بحمـــاه حوبه=مـــا دام له حق وللحق طلاب |
أنا السّعودي رايتي رمز الإسلام=وأنا العرب واصل العروبة بلادي وأنا سليل المجد من بدأ الأيام=الناس تشهد لي ويشهد جهادي دستوري القرآن قانون ونظام=وسنة نبي الله لنا خير هادي امشي على الدّنيا وأنا رافع الهام=وافخر على العالم وأنا اجْني حصادي إذا تأخّر بعضهم رحت قدّام=وإذا توارى خايفٍ قمت بادي إن جيت ساحات الوغَى صرت قدّام=وان صرت بلْحالي فلانيب عادَي واظهر على غيري إذا صرت بزْحام=عقيد قومٍ بالطّبيعة ريادي |
لا هنت يا راس الرجاجيل لا هنت=لا هان راس في ثرى العود مدفـون والله ما احطك بالقبر لكن امنـت=باللي جعل دفن المسلمين مسنـون منزلك يا عز الشرف لو تمكنـت=فوق النجوم اللي تعلت على الكون سكنت دار المجد يا شيخ واسكنت=شعبك معك في منزل العز ممنـون صنت العهد يا وافي العهد ما خنت=علمتهم وش لون الأشراف يوفون كم ظالم عاداك واعفيت واحسنت=واخلفت ظن جموع ناس يظنـون شلت الأمانة حافظ مـا تهاونـت=شفنا بك رجال على النفس يقوون يا اللي طلبه الملك بالحـب زينـت=عرشك بتاج قلوب شعب يحبـون لونت تاج الملك ما قـد تلونـت=ما غرتك دنياك ما صرت مفتـون بالزهد والمعروف والصبر كونـت=منهاج فيصل منهج اللي يعدلـون تلفتت روس المخاليق ويـن انـت=وين العظيم وعود الشوف مطعون كم خافق وقف عقب ما تكفنـت=وكم ناظر ذوب سـواده محـزون لو شفت حال الناس عقبك تبينت=مقدار حب الناس للـي يـودون مما بقلبي قلت يا بـوي لا هنـت=والا انت فوق القول مهما يقولون |
مرحوم يا شيخ بنى للمجد دولة وديـن=وحد قبايلها وعلـى بالشـرف شانهـا عبد العزيز اللي له القاسي يطيع ويليـن=تهتز ساحات الوغى لى طـب ميدانهـا يفخر به التاريخ وتردد نبـاه السنيـن=وتشهد له الخيل الأصايل واشهب سنانها لى ضاع راي الناس رايه بالشدايد يبيـن=وان ضاعت الهقوات قاد زمام شجعانها نادر حرار ما يصيـد الا سميـن وثميـن=لى هد ما تفرد صقور الجـو جنحانهـا من مثل أبو تركي إلى ضاقت يسر الحزين=يبرى عيون من سهرها مـل سهرانهـا لمعة أمل تلعب علـى موجـة السيـف=والشط ممدود مثـل صـادي السيـف والشمس تجلد بالشعـاع الصحـاري=والريح تبنـي بالعجـاج العواصيـف فوق البحر موج وفوق الرمـل مـوج=والحلم سيـف يلمـع بكفـه رهيـف
وقــف وظـهـره للـبـحـر= ولنـجـد وجـهــه والـنـظـر = طويـل قـامـة طـويـل ذراع= رفـيـع هـامـه وصيـتـه ذاع = فـي جبينـه نـز غضبـان العـرق= والخطـر والعـزم فـي عينـه بـرق = والأميـر المغتـرب عبـد العـزيـز= لاح نـوره فـي سمـا نجـد وشـرق = وانتهض مثل العقـاب اللـي شهـر= وحولت كل الصقـور اللـي تحـوم = صار يومه عنـد أطـول مـن شهـر= ملـك أبـوه وجـده الغالـي يـروم = يـطـوي الفيـافـي والـنـفـود= يـنـزل ويـرقـاهـا سـنــود = والكـايـده مـهـمـا تـكــود= عـزايــم مـعــزي تـــزود = حاولوا يثنون عزمه بالكلام وبالسلاح= وردهم بالقول والأفعال وبروس الرماح = علـى الركايـب وفـوق الخـيـل= غــارات جـيـش وخـيـالـه = صـبـاح والا هـجـاد الـلـيـل= مــا احــد تهـنـى بمقـيـالـه = الهجـن مـن فوقـهـا شجـعـان= أســـود ونـمــور وذيـابــه = السيـف والرمـح جـالـه شــان= وردوا عـلـى الـمـوت حـرابـه = ستيـن قـرم قادهـم عبـد العزيـز= ستيـن شهـم عالـي الجبهـه عزيـز =
والنـور عـم أقصـى البـلاد=وكـل وادي لــه طـريـق حتـى البحـر جانـا حـلـو=حــلاة مخـتـوم الرحـيـق منا على روحك يا بو تركي سلام=لو كان ما تسمع لنا صوت قريب يا عالي الهمات لى اشتد الزحـام=يا صانع الأمجاد ياالشهم النجيب يا جابر العثرات في جنح الظـلام=يا ناصر المظلوم يا ملجا الغريـب حلحيل عنده ينتهي كل الكـلام=سيرة حياته كلهاعطـر وطيـب يـا دار لنـا حقـك عليـنـا=لـى زمـى العـايـل زميـنـا |
. ***** اجاذبك الهوى
اجاذبك الهوى واطــرب واغني = وابادلك الغرام بكــــــــل فنّي واشاهد صنعة الله فـــي جمالك = وحكمه الذي فيـــــك امتحنّي واشوف الودّ فـي عيونك ولكن = يردّ الودّ خوفٍ فيــــــــك منّي ولا ادري وش يخيفك ياحبيبــي = وانا بك مغرمٍ جــــــاك متعنّي ولو انك تلاحظ شفت عينــــــي = وهي تروي حديث الحب عنّي تنعّم دام تــــــوك فـــــي شبابك = ليال العمر ماقــــــــط امهلنّي تعال اسقيك من جدول غرامي = شراب فيه للعاشـــــــق تهنّي واهيم بك بسمــــاوات المحـبه= الين انّك بعــــــــــد مثلي تغنّي ***** |
أخي العزيز/ ماجد الشهري مبدع تحلق في سماء الإبداع لتنقل لنا قطوف من وحي ذائقتك الفائقة تقبل تحيات محبك ومغليك سلمك الله |
ماجد الشهري تسلم الأيادي |
سلمت يمينك ياماجد وخالد الفيصل شاعر مميز ومبدع لاعدمنا اطلالتك |
الأستاذ سعيد الفقعسي شرف لي تواجدك في موضوعي ومشاركتي وانت لك صدارة في تثبيت الموروث الأستاذ ساهر الليل اهنيك على نشاطك واشكرك على مشاركتي الأستاذ ابو ناهل مبدع وتثري الساحة الادبية والشعرية ولك الشكر ولكم جميعا الشكر |
أنا السعودي رايتي رمـز الإسـلام .... وأنا العرب واصل العروبة بـلادي وانا سليل المجد مـن بـدأ الأيـام ... الناس تشهد لي ويشهـد جهـادي دستوري القـرآن قانـون ونظـام .... وسنة نبـي الله لنـا خيـر هـادي أمشي على الدنيا وانا رافـع الهـام .... وافخر على العالم وانا اجني حصادي إذا تأخـر بعضهـم رحـت قـدام .... واذا توارى خايـف قمـت بـادي إن جيت ساحات الوغى صرت قدام .... وإن صرت بلحالي فلانيب عـادي واظهر على غيري إذا صرت بزحام .... عقيـد قـوم بالطبيعـة ريــادي |
|
ماجد الشهري تسلم يالغالي مبدع في اختيارك وذوقك تسلم الفكرة وصاحبها |
الاستاذ علي ابو علامه انت المبدع والذوق ومرورك تاج على راسي لاعدمتك |
http://www.vip70.com/smiles/data/f124.gif ارفع راسك http://www.vip70.com/smiles/data/f124.gif ارفع راسك إنت سعودي طيبك جاوز كـل حـدود مـالك مثيل بـالدنيا غيـرك ينقص وأنـت تزود http://www.vip70.com/smiles/data/f128.gif فارس وأجدادك فـوارس واصبحت لبيت الله حارس مغروس بالمجد وغارس في ميـدان العز شهود http://www.vip70.com/smiles/data/f128.gif علمك غانم وجارك سالم يخشى من هيبتك الظالم راعي صمله دايـم والم سيف وقلب وفعل زنود http://www.vip70.com/smiles/data/f128.gif في العالم ما مثلك مسلم دايم بالفضيله محرم والخايف في دارك منعم عـن دخيل حماك تذود http://www.vip70.com/smiles/data/f128.gif دايم سيفك بيدك سله ما تغمد سيفك من ذله وحجاجك دايم منفله وانت بنصر الله موعود http://www.vip70.com/smiles/data/f128.gif فهد القايد فهد الرايد فهد الصقر الحر الصايد والعيد بفضل الله عايد وسعودك يا وطن سعودي http://www.vip70.com/smiles/data/f124.gif |
الأخ ماجد الشهري : أبدعت في إختيارك أجمل ماكتب الأمير خالد الفيصل لك تحياتي وبالتوفيق . علي بن حسن |
تسلم ياماجد ابو توفيق والله فتحت ابواب مقفله من زمان
|
اقتباس:
الاستاذ علي بن حسن وجود في موضوعي شرف كبير ودعم لي الله يطول عمرك ويمدك بالصحه والعافيه |
اقتباس:
عسى الله يسلمك ويفتح لك ابواب الرزق |
http://salloomaa.net/up-pic/uploads/37b17770de.jpg يا شايل الظبي
يا شايل الظبي بيــــن أيديه = يستاهل الظبي مـــن شاله بالهون بالهون يـــــــــا مغليه = معطـيك ظـبي الفـــــلا حاله غزالك ارتاحه مـــــــع راعـيه = يبـي على الصـــــدر مقياله الشوق لـــك بالهـوى طاويه = والنفـس لـــــــك دوم مـياله ظبيك طبيبك خوف الله فيه = وهـو يـداويك بوصــــــــــــاله |
تنشد عن الحال
تنشد عن الحال حالي كيف ما شفته=وانا احسب انك قبل ذا الوقت تدري به في خاطري لـــــــــك كلام مير ما قلته=أجنبك ما يحسك لـــــــــــــو حياتي به هـــــــــــــــم جديد على الأول تحملته=عنك اتحمل كبير الهـــــــم وامشي به رحــــــــــــــــت اتمثل بطبع لك تعلمته=لى صــــــار لك غالي لياك تشقي به |
فدوة عيونك 
فدوة عيونك لـــــــــــــو غدت روح مغليك=وش عاد لـــــــــــــو راحت لعينك عشاير ابيع مــــــــا يغلى على الكون و اشريك=و اسوق لَـــــــــى جتني علومك بشاير و ازعّل جميع الناس بــــالحيل و ارضيك=و اصبر ولو دارت علَيّ الـــــــــــــــــدّواير و آخذ من ايّامي لك ايــــــــــام واعطيك=وان راح عمـــــــــري لك فلا هو خساير احب انا شوفك و صوتك و طــــــــــاريك=دايم وفكري فيك هـــــــــــــــــايم وحاير بالصمت اهوجس بك و بالصوت اناديك=و الله عليم البيّنـــــــــــــــــــه والسّراير انـــــــــــــا و قلبي و الهوى بين اياديك=عنـــــــــــــــــدك مفاتيح الهنا للضماير مــــن روحي احبك ومن روحي افديك=يــــــــــــامن غرامه و الحسن فيه ثاير |
http://i72.photobucket.com/albums/i1...s/heart_91.gif نوى القلب http://i72.photobucket.com/albums/i1...s/heart_91.gif
نوى القلب نيـــــــــــــــــه ما نواها لاحد غيرك=نوى القلب يمشي لك على السمع والطاعة مع الشك والغيره وهجــــــــــــــــــرك وتقصيرك=أحبك واقول أمرك لــــــــــــــــــــه الروح خضاعه جمعنا طريق الحب وانور بتنويـــــــــــــــــــــرك=على صدفة لقلوب الأحباب جماعــــــــــــــــه ملكني هواك وقادني بامر تدبيـــــــــــــــــــرك=أمانه معك روحي من البعـــــــــــــــــد ملتاعه تغزلت بك والشعر من بعض تعبيـــــــــــــــــرك=كلامك سحر يخلف موازين سماعـــــــــــــــه تقول الغزل مني شغل كـــــــــــــــــل تفكيرك=عسى واعسى والنفس بـــــــــالزود طماعه http://i72.photobucket.com/albums/i1...s/heart_90.gif |
مرتاح أحبك
مرتاح احبك ولا علمت=حتى انت عييت ابين لك والبارحة يوم أنا سلمت=شكيت لو عيني تدلك برق لمع بالعيون وخفت=مواجع القلب توصل لك عساك في ناظري ما شفت=كيف المعاليق يومن لك من خوفتي لا احترق جنبت=هربت من شمسك لظلك أخشى عليـك الهوى لو طحت=ما تلني يمك يتلك أبي قليلك ولا حصلت=بعضك تركني مع كلك ما ادري صواب او خطا ما قلت=إنك حبيبي وانا خلك |
تدلل علينا
تدلل علينا يا سمي الظبي وش عاد = تدلل ولك بامر الهوى شــــــافع عندي ولك في خيال الشاعر المهتوي ميعاد = ومجلس على غيمة وليلة قمر نجدي اسافر معك لبلاد وانزل معك في بـلاد = ومن غيمه لغيمه ولا للسما حـــــــــد رسمتك ضحوك الفجر يا فرحة الأعياد = ولمعة شعاع ينغمس في نــــدى ورد وغنيت بــك صوت لقلب الهوى ميلاد = ونغمة غــــــرام ذاب في لحنها وجدي أشوفك مطر هتان لا برق ولا رعـــــاد = من الوسم يبعث بالصحاري زهر ودي أحبك وصل وبعاد أحبك رضــــــا وعناد = ولا يختـــلف وعدي ولا ينتقض عهدي |
|
جمر الغضا
ياصاحبي هانـت عليـك المحبـه =لاوحسايف عقب هاك المواثيـق جمر الغضا في وسط قلبي تشبـه =نارٍ حطبهـا يابسـات المعاليـق كـاسٍ مليتـه بالـوفـا لاتكـبـه =خلّه يبلل بالوصل يابس الريـق صبّـه بقلبـي ثـم ملّـه وصبّـه =وان كان ودك غرق القلب تغريق دام الهوى راسي وراسـك يهبـه =خذ سجّةٍ ترى زمانـك توافيـق ترى حلاة العمر مـع مـن تحبـه =شخص تريد من جميع المخاليق دايم السيف |
يبكي الصوت
يبكي الصوت و النظرات تشكي = و المعاني ولو صاحت حبيسه يصمت الليل و التنهيد يحكي = و المعاليق في قلبي يبيسه يا حبيبه سألت الليل انا عنك = و كل نجم فقد مثلي أنيسه هل دمعي و قام الليل يبكي = و القمر نشّ من فرقى جليسه ويل من شالته موجة بحرك = ليتني ما نزلت الشط أقيسه لو لمستي البحير بأطراف يدك = من حلالك غدا طعمه مريسه للهوى حس اذا لامس زهرك = ينعش القلب اذا جاني حسيسه دايم السيف |
يموت الشجر
يموت الشجر واقف وظل الشجر ما مات = رياح الدهر تصرخ وهي تجرح جنوبـه لك الله شجر للموت ما ترخي الهامـات = بقت وقفتك يـا رافـع الـراس مهيوبـه شجوني لها مع وقفتك يا شجـر وقفـات = عيون النظر مع نظرة الفكر مصحوبـه شموخ الشجر عبره لمن يفهم الشـارات = والإنسان في غفلـه والأيـام محسوبـه أرد النظر لاشك يـا نظرتـي هيهـات = أبستوعب العبـره بالأشجـار مكتوبـه وأنا يعتريني ضعف الإنسان و الهقـوات = أروم العزايـم يـوم و أيّـام مسلـوبـه أبظهر عن الدنيا مع حامـل النظـرات = و أسافر عن العالم على غايـم دروبـه و أبرسم على غيمة دروب الهوى بسمات = وأبنثر كـلام الحـب طـرب وطروبـه و أغنّي بها سامر وأقوّم بها عرضـات = وأبترك ثرى الدنيا لمن كـان مطلوبـه دايم السيف |
من قال ماضيك يا اغلاهن مهو غالي = من قدر يكذب وقال بخاطري غبتي انتي تعرفين لاهبت على بالي = ذكراك للشرق طارت بي,, وغربتي الدرب أوله مزح لكنه بلا تالي = ولا خفتي الله من القسوة ولا تبتي يا واليتني,, يا علّك مالك الوالي = كأنك اللي بزود البعد,, قربتي حلو الشعر مر لكن بك غدا حالي = كم ذاب لك وصف,, ذوبهن,, ولا ذبتي مديت شوقي وشفت الصد يثنالي = والنفس تجزع وانا صادق وكذبتي يا بنت,, ياللي,, تظن ان الولد سالي = لو مر بك ربع,, ما مر الولد,, شبتي |
عَزّ القصيد وزاعلتنـي حروفـه = من يوم غاب الّلي قصيدي مهاويه غابت به الدنيا وخلّـت طيوفـه = عزّي لمن مثلي زمانـه يعاديـه عقب الملاقىٰ بس بالقلب أشوفـه = وعقب المناجىٰ بس بالفكر أناجيه كلامي وشوفي لغيـره حسوفـه = من غيره يْخاوي غريبي وأخاويه يا لوعة المشتاق تصفـق كفوفـه = لين التفت ما شاف بالدّار غاليـه كنّ العيون بكل شيـن محْذوفـه = والقلب كنّ جموع الأيام ترميـه تسابقتني مـن زمانـي سيوفـه = تجرح مْرادي في حياتي وتدميـه يا عونة الرحمن ويـن النكوفـه = لين انتحىٰ الخفّاق وش عاد يثنيه ما رحت أدوّر عند خلّي مروفـه = ما يرحم إلاّ الله فلا شـك مغليـه |
عوى الذيب ياسـاري ..عـوى ذيبهـا حـذرا = يـرد الظـلام عـواه ..لضلوعـه صياحـي ترى الليل قمّـاري ..وعقـب القمـر غـدرا = ومن طاولـه مسراه..زهّـب لـه .. سلاحـي أحد بالخفا .. داري ..وأحـد بالخفـا.. يـذرا = تشيل الدروب خطاه ..والصبـح .. فضّاحـي طويلات .. وقصاري ..ويمنـى لهـا يسـرى = يخاف القـدم ماطاه..ماقـام .. مـن طاحـي عن العين .. متواري ..توارى .. ورا غبـرا = يبيه النظـر وأخطـاه .. مـالاح .. لوّاحـي على نهرنـا الجـاري ..نوايـا تبـي مجـرا = مصبّه ... شكى مبداه .. في بحر .. الأملاحي شمال؟ ..الهوى عاري ..جنوب؟.. الرمل جمرا = مثل وسم ينثر ماه بصخـر ارض الأسياحـي اذا ماالصقر طـاري .. عـلا بالهـوى قـدرا = وطنه السما .. وحمـاه مخـلاب .. وجناحـي هواجيسي .. أشعاري ..ولا للشعـر .. عـذرا = كتبته .. لمن يقرااه .. للصاحب .. الصاحـي |
ما ينسينا الخطا حـب الخشـوم = ولايطهرك المطر عشرين عـام مخطي ترضى لنا ظلـم الظلـوم = ومخطي ترضى على شعبك يضام بايع شاري على شعبـك تسـوم = مايهمـك بالحـلال وبالـحـرام لاجل شعبك بيننا كنـت محشـوم = لكـن الحشمـة خسـارة باللئـام يوم فشلنـا صواريـخ الخصـوم = رحت ياوجه الفلس ترمي كـلام من شمال ومن جنوب أمسيتو قوم = وانت تنخى كل مجـرم بالظـلام واتفقتوا خذكـم الله يـا الرخـوم = تطعنون الجار وظهـور الكـرام لاحيـا فيكـم ولانفـس تـشـوم = غركـم فينـا محبتنـا الـسـلام كـل غـدار تجهـز للهجــوم = من طمعكـم ماحسبتـوا للمـلام المعـارك ماخـذت ليلـة ويـوم = سلموا جند الخطا مـا بالحـزام وعود الغازي من الغزو مهـزوم = وامست دياره من افعالـه هـدام وطاحت قصور التماني والحلـوم = واكتفيتوا في طلب ظـل الخيـام نحمد الله شيخنا راعـي عـزوم = والعظايم مالهـا غيـر العظـام قام والي يطلـب العليـاء يقـوم = ماينوم اليـا بغـى غيـره ينـام انتهض مثل العقاب الـي يحـوم = لين جات صقوركم مثل الحملـم شيخنا قرم تحـدر مـن قـروم = الملك ابـن الملـك ابـن الامـام |
من رياض المجـد لامجـاد الكويـت = مــن ثـبـات العـلـم للعـلـم الـثـبـات جيـت أصافـح بالتّهانـي كــل بـيـت = للشّهـيـد الـخـلـد والـحــي الـحـيـاه فوق غيمة شوق مـن أبهـا مشيـت = مـن نـداهـا فــزّت الصّـحـرا نـبـات سيّرتـنـي نـشـوة الـحـب وسـريـت = للكويـت الّلـي هويـت أكتـب غـنـاة في غناتي للشّرف صـوت وصيـت = ومـن غناتـي يرفـع الفـارس حـداة وللكرامـة عـرضـة فــي كــل بـيـت = والـسـجـايـا بالـشـهـامـه نـايـفــات ياالكويت الّلي على الباغي عصيت = يوم بعض الرّبع ينسـى المكرمـات يـوم بـان الغـدر قلـنـا لــه خسـيـت = كـــل شـيـطـان رجـمـنـاه بـحـصـاه دارت الـدنـيـا علـيـهـم واعـتـلـيـت = وانهـزم جيـش النّفـوس الخاينـات يالفهـد عنـد الوعـد قـلـت ووفـيـت = طاغيات الـرّوس عـادت صاغـرات مااختلـفـت ولاذخــرت ولاشـكـيـت = شـامـخ مـثـل الـجـبـال الـراسـيـات دلّــــك الله يالـسـنـافـي واهـتـديــت = والنّصـر مــن عـنـد رب الكايـنـات مـايـغـط الــحــق رجــــال بـخـيــت = مانـسـيـنـا يـالـكـويـت الـسـابـقـات يــوم عــز بـدارنـا حـلــو المـبـيـت = إستضـفـتـونـا زمــــان الـنّـايـبــات لين ابو تركي ظهر من فوق هيـت = واصطفق مـن نجـد لجبـال السّـراه يرفـع الـقـرآن والسـيـف الصلـيـت = واستـرد الحكـم مـن عقـب الفـوات ياالصّباح وياالسعودي لى انتخيـت = عـزوتـك عـنّـاز راعــي الـطّـايـلات ويالاميـر الّلـي علـى العليـا نشيـت = جابـر العـثـرات محـمـود الصـفـات فـــي بـــلادك كـــل تـكـريـم لـقـيـت = والنشـامـى ماكـتـفـوا بالـواجـبـات بالكويت أعطانـي الشعـر وعطيـت = وبالكويـت الشعـر لـه طعـم وحـلاة |
نادميني كلهـا ساعـه و اغيـب = مابقى غير الموادع يـا حبيـب سلّي الخفاق عـن هـمّ الزمـان = واجلَي مْن العين نزّات السّريب طالت ايامي و انا فـوق الشـدّاد = الذلول تسير و الراكب غريـب درهمت بي فـي عجـاج القايلـه = والثرى من حدرها جاله لهيـب كل خـفٍ يرسـم بدربـي حـذر = لاهل ركبٍ ما بعد طبّ الشعيـب يفهّم اللي يفهـم و يجهـل كثيـر = والمراجل دربها دايـم صعيـب يا كبـر غلطـات جهّـال الحيـاة = ضعيوا بعيدهم واخطوا القريـب يا بعد فرق الّليـال مـن النهـار = ويا بعد فرق الغرير من اللّبيب بعضهم يـزمّ بـه كثـر الهـدوم = وان تحدّث طاح من عين الرقيب كـل رجـلٍ يستـره قـل الكـلام = واللسان يجمّلـه و الاّ يعيـب نادميني..وقتـي الباقـي قصيـر = و الْمِسي بعيونك جروحي تطيب فرّغي قلبي و فكري مـن عنـاي = يا شعاع بالعمـر قبـل المغيـب و مضةٍ فـي ليـل دهـرٍ ظلـوم = تبعث الآمال في وقـت عجيـب السؤال يغيب من قبـل الجـواب = نادميني..كلها ساعـه و اغيـب |
حوّل سحابي واحسب أنّـي وصلْتَـه = وهبْـت هبايبهـا وشالـت سحابـي حلمٍ علَـى غفـوة زمانـي حلمْتَـه = ليت الزّمان الّلي غفا ما صحى بـي في غمضةٍ من ليل.... عمري سرقْتَه = لاشك حظّي من عذابي وشَـى بـي الّليل يوم أنّه صَحى بي... جرحْتَـه = والعمْر في مجروح ليلي سرَى بـي من وقتيَ المجروح لجـروح وقْتَـه = يمشي وحظّي بالعَثايـر مشَـى بـي لوْ أنّ قيـدي فـي يدينـي كسرتَـه = ميرْ البلى قيد الغـرام ألتـوَى بـي الله من صوتٍ علَى الشّـوق جبتَـه = والله من كلمـة غلـى فـي كتابـي أطوّح المسحـوب مـعْ كـل نْهتَـه = واسمع علَى همس الّليالـي جوابـي يا معشر العشّـاق قلبـي عصرْتَـه = قطـرات خفّـاقٍ مـن الوجـد ذابِ علَـى عشيـرٍ بالوفـا قـد وعدْتَـه = لو شبت ( أحبّه )... مثل فتنةْ شبابي |
ياطارد الّلي راح خلّه وملواه =مايستقيم الظّل لى اعوج عوده ولاينفع الندمان قولة حلولاه =جحر لدغ يمناك لا لا تعوده مدّ النظر في خلق ربي تمناه =الى انتقص من حال يزوده الله جعل للمبتلي داه ودواه =وكل على عزمات قلبه حدوده |
هلّي على خدانها ياسحابه=هلّي عليها لين ينبت بها الورد على محلّه لين يخضر جنابه=وافرح بشوفه فرحة مالها حد خل سقاني في الهوى من شرابه=ماصد لي جاني والى جيت ماصد عزاه ياقلب تزايد عذابه=على الذي حبّه بقلبي تجدد اللي رماني باربع من حرابه=ثنتين من عينه وثنتين بالخد ياعمري اللي راح لا واسفابه=وين الرفيق اللي عليه ابدي السد |
ناقد الاشعار لك مني سلام = و التحيه للفكر و الاحترام فرحتي لا شفت لك رايٍ جديد = او نظرت لبعض شعري باهتمام يا رفيق الحرف في دنيا القصيد = عشقتي ويّاك في عذب الكلام أنظم النظره بخفقات القلوب = و انت تنثرها دموعٍ و ابتسام القمر و الليل و امواج البحر = و الزهر و الغيم و اصوات الحمام و الصقر و الريم و الغوج الاصيل = و الصحاري لا زمت فيها الخيام هي هواي اللي أغني له طرب = هي من ايام الصبا عندي غرام أكتب الانسان بألوان الحروف = في حقيقة علم و غيبة هيام أتصيّد خاطرٍ عند السحر = او وميض الفكر في جنح الظلام و امزج شعوري مع حسن القبيل = في قصيدٍ مثل ندّاي الغمام ناقدي خذ حرفي و حل الرموز = و حلل المعنى بوجد المستهام و إن لقى الهاوي خياله بالقصيد = خبّره تراني حققت المرام |
للدار وحشة http://www.elaph.com/elaphweb/Resour...997cd0fc3b.JPG للدار وحشة عقب سِيد هَل الجود وعيني غشاها عقب شمسه ظلالي مالوم رجلك لو شكَت كايد الكـود أتعبتهـا ترقـى سنـود المعالـي للجسم حد وغايتك ما لها حـدود ظلمت نفسك من قديم(ن) وتالـي تمشي وعرها كنه سهود ومهـود لله دّرك مـا تغالـيـت غـالـي ماتنتظر للجـود ياشيـخ مـردود تشرب مرار وتسقي الغير حالـي ماينثني عزمك خطير على الـزود من عالي تجمح على راس عالـي يا طيّب طابت لك البيض والسود أسرت في حبك قلـوب الرجالـي يفوح مع ذكرك شذى الورد والعود وكل(ن) ينعم لك إلى جا مجالـي مرضك يمرضني وسعدك لي سعود يا ليتي أنقل عنك ضيـم الليالـي \ / \ الفاضل ... ماجد الشهري طرح راقـي .. شكرا لهذا الأبداع في الأختيار |
| الساعة الآن 02:23 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir