|
عذرآ ياصالح تم حذف المشاركة
من قبلي للتعديل ومرورك وتعليقك مصدر فخر لي |
الحمد لله على السلامة رجعت الخيمة لسابق عهدها وفق ما خطط لها أن تكون وأسعدنا جميعاً تواجد أبو ناهل فحياه الله ومرحباً ألف ويستاهل صالح التخطيط والتنسيب كونه أفشى أسراره عند محرق العشاش وأتمنى أن يكيل له الصاع صاعين |
صالح يقل جا لنا من بيت رمزي عزيمة
واثر العزيمة في الفردوس وأفلحت للتاج دخلت للقصر لني مثل جني لحالي درجت لا ون ما أعرف لا مضيف ولا ضيف عودت قلت اتصل و با أتعذر من أحمد وان شا الله انه بيقبل عذرنا بيت رمزي والله ما ودي عليك بخلاف يا صالح والله ما تستاهل . لكن هذا الجني عبد الله بن رمزي وش دراه بالموضوع وش وقعك بين اياديه ترى ما يرحم ولسانه ساطور ولا عينه يرحمك . لكن اقترح عليك تشوف شغلك مع محرق العشاش النمس الذي علم بن رمزي بالسالفة وتدقه دق وانحن معك اسلخ جلده بكم بيت . ما يرد اعتبارك الا الذي قلت لك . اتصور شكلك وانت قاعد في قصر التاج تقلب عيونك كما اللقم :D وما عندك احد والقهوة ما تندر من حلقك :( لكن زي ما قلت لك دور لمحرق العشاش وتنفس فيه . ولا تقل اني محرق عشاش وقاعد اواشيها انا على خبرك ودي بما ينفعك :cool: ;) |
شكراُ للجميع ... يعلم الله إن هدفي المزح لا أكثر ولا أقل .. ومادام اعجبتكم الشغلة وصالح يتحلف في محرق العشاش .. وجبل الشعبة ذيب يهدّي الوضع عل نار هاديئة .. فأنا جاهز للرد يا صالح أبشر بسعدك في محرق العشاش بس انت ابدع والباقي ازهله .. وإلا قل قيق وانا ابدع لك بشرط تعطي الرجال حقه كاملاً في الرد .. عشان يبطل يتفلسف وإلا يهد الخيمة ويرتاح .. |
وشغدابك ياصالح تنشر غسيلك لوكان تقهويت وتعشيت وسريت ماحد درى عنك لكن تستاهل ماجاك وابشرك اعرف من نس عليك عند ابوسامي
|
اقتباس:
***** يا الله مساء خير من قصر في الثاني أكيد وقت دخولك بوجه ووقت خروجك بوجه ثاني وعسى ماحد قال تعش معنا يا غريب لكن تراك منت أول واحد بس وشتعطيني وأعلمك وخذ هذي على الماشي عشان تحيل عن الأهلي أنت وأبو ناهل البدع يا ابو رائد وينك الليل ماجيت الزواج لايكن زلّت بك الرجل في بعض القصور تحسبنك عند ربعك ترحب بالضيوف يا حليلك وانت داخل وخارج تاتلعثم رجل قدامك ورجلا تخط بها ورا ***** |
احم احم الله يمسيكم بالخير ,, هيا بهواها مادام عودتم للخيمة يهون كل شي والله لو تتشركونه وتغدونه سوادي كما سوادي بن سوقان على خاطره كما العسل وابشروا بسمن قذلة وما يلحق .. علي عنه وش غدابه على العلوم المفلة فزعتك يابن رمزي العيش والملح لا تنساه |
لكن اقترح عليك تشوف شغلك مع محرق العشاش النمس الذي علم بن رمزي بالسالفة وتدقه دق وانحن معك اسلخ جلده بكم بيت أن أقف في صف جبل الشعبة ضد محرق العشاش النّمس وأتمنى هجاؤه بمعلقة يشترك فيه جميع الشعار ليتنثر حقه إن طالب بحق بين الشعار رحم الله الشافعي حيث قال : إذا الـمـرء أفـشـى ســره بلسـانـه لا *** ولام علـيـه غـيــره فـهــو أحـمــق إذا ضاق صدر المرء عن سر نفسه *** فصدر الذي يستـودع السـر أضيـق هيا يا صالح ردعلى بدع عبدالرحيم قسقس الله لا يهينك وتحمل ما يجيك وكماها كماها وانا أخوك كل ما لقيت واحد من محرقين العشاش أفش له أسرارك . يا لا لاله يا لالا لالا لالاله يا حليلك وانت داخل وخارج تاتلعثم رجل قدامك ورجلا تخط بها ورا |
أنا وصالح بيننا الود صافي وآبوتوفيق ماعينه يهكب الين يجيله قصيده من صالح وآنا ياالربع لاني بشاعر ولا حتى متمعرف لكن مداعبة أبوسامي ورد صالح أعجبني ولأن السالفه طيبه فلا بد أن تستمر خاصة ان صالح يبغي يسمع مني شي عندي بدع في نفس السياق وتابع لنفس (الماضوع) وآدور رد عليه ولن أقبل الرد الا بعد مايرد صالح ولا ذا انزاه في تاالغبه على بدع أبوتوفيق البدع سلام مني عداد السيل لآصحاب خيمه عمودها شامخ ن براق كنه من العاج وقهوة الضيف يشربها من أغلى الدلالي تلقى التراحيب فيها فوق كل التواصيف أوتادها راسيه في الأرض والحبل منشد والهدم فيها تقل مشغول من عند (ترزي) والله يسامحك ياعبدالله بن رمزي على تالقارعه الصعبه |
اقتباس:
أنا مالي صلاح بس أحس إن هذه المشاركة فيها شيء حبيت ألفت نظر صالح بن عطية له يمكن يعرف غريمة ويلحج الباب لحاج وسلامتكم جميع |
اقتباس:
|
والله ماأدري عن نوايا جبل الشعبه وأحمد المهم ياصالح خذ حذرك ورد على أبوتوفيق برد يبرد أكبادنا وأما أبوتوفيق فله مني هديه خاصه بيقعد أسبوع مايرقد من هيالتها ... |
مرحبا بك يابو ناهل .. الحقيقة إنك مكسب للخيمة وقصيدتك على العين والراس ولو إنك تركتها مفتوحة للجميع ولم تخصصها لأحد بعينه . وأنا ما ودي تبقى بدون رد .. اقبل هذا الرد وتراه غزلي لأني أعرف أن الغالبية قلوبهم خضر .. في ذمتك قد نظرت أبو العيون الرخيمة أبو مقاماً يشابه خيزرانه وينعاج أشغلت بعض الخلايق يا حسين الدلالي سبحان من كملك بالزين وأحلى التواصيف ما ادري من أي البلاد ولا عد ادري من انشد من شعب لبنان وإلا جاي من شعب درزي أما قصيدة عبدالرحيم قسقس فهي موجهه لصالح مخصوص .. إذا تنازل صالح عن الرد وأوكلني يبشر بالفزعة وبالعلم اللي يسره هذا بعد موافقة أبو توفيق .. |
الله الله يابوسامي رد ماله مثيل وأنا محددت شخص يرد على هذه الخاطره كون الرد جاء منك فهو شرف لي اما أبوتوفيق فسوف أداعبه لأنه حددني آنا وصالح بس بعدين وصالح خوينا وحبيبنا وعلمك نافذ |
بدع سلام مني عداد السيل لآصحاب خيمه عمودها شامخ ن براق كنه من العاج وقهوة الضيف يشربها من أغلى الدلالي تلقى التراحيب فيها فوق كل التواصيف أوتادها راسيه في الأرض والحبل منشد والهدم فيها تقل مشغول من عند (ترزي) رد في ذمتك قد نظرت أبو العيون الرخيمة أبو مقاماً يشابه خيزرانه وينعاج أشغلت بعض الخلايق يا حسين الدلالي سبحان من كملك بالزين وأحلى التواصيف ما ادري من أي البلاد ولا عد ادري من انشد من شعب لبنان وإلا جاي من شعب درزي بدع جميل من ابو ناهل ورد اجمل من ابو سامي الله وينك يابو ناهل من زمان لا فض فوك دمتم جميعا بخير |
من سياسة الساحات وأهداف الخيمة اكتشاف المواهب والسماح لها بممارسة هواياتها بحرية مطلقة وفق آلية للدعم والتشجيع والتوجيه والتحفيز تحقق الحلم وأصبحت المحاورة رباعية صالح وعبدالرحيم قسقس أبو ناهل وعبدالله رمزي نحن بانتظار رد صالح على عبدالرحيم |
تذكرت القرية أيام زمان يوم كانت حية بأهلها وقبل فترة ليست بالقصيرة مررت بها وإذا بها أشباح تخيف من يتجول بها .. أين ذهب من كان يسكنها أين أولئك الرجال الذين كان لهم صولات وجولات .. أين تلك الابتسامات التي تعلو محياهم .. أين تلك السوالف وتلك التجمعات بعد تناول طعام العشاء كل ليلة في بيت من بيوتها . أين تلك الحيوانات التي كانت تسكن معهم في منازلهم الصغيرة والكبيرة والواسعة بأهلها .. خطرت على بالي خاطرة أقول فيها . البدع / بن رمزي ياوجد روحي على ذيك البيوت القديمة خصوص لا من تذكرت السوالف والأهراج أصبحت مستوحش أمرّ البيوت الخوالي يحن قلبي على ضحكاتنا والسواليف وصرت حيران فا القرية ولا اعرف ولا حد لمن نرد العزا فيهم وفيمن نعزّي متروكة لمن يريد أن يرد فيها . رحمهم الله رحمة واسعة وأسكنهم فسيح جناته .. |
آبو سامي الله يحفظه خطييير حط قارعه تجبر من يرد أن يسلك درب الغزل في رده:confused: لكني أجتهدت وصفت كذا ;) وتقدرون تقولون اني توفقت :D وهذا ردي وان ماعجبكم أو لجنة التحكيم رفضته مامعي بصيره أقول الرد الأصلي:mad: بشرط تفكوني بل وتحموني من جبل الشعبه :D الرد النصح والذكر بين الناس ربي يديمه والله يهني من اوصابه طريقه ومنهاج يرقى براعيه في درب التقى والمعالي ويذوق طعم السكينه في جميع التكاليف وانحن جسد متصل بالدين والرب واحد ودين الاسلام تاجي في حياتي وعزي وسلامتكم :o |
لا فض فوك أبا ناهل عشت وعاشت الخيمة بوجودك كنا نعيش جفاف شعري في خيمتنا ومن يوم جيت جبت الخير معك , كالغيث على ريحتك اخظر الجناب والركيب والشعب ... اغثتنا بروائعك وحركت مشاعر البعض وتفتتقت المواهب غيثك عم الخيمة وما حولها من ساحات دمت بخير لا عدمناك صورة التوقيع ماهي غريبة من وين جبتها |
ماقصّرت يا ابو ناهل ولك الحق تشرد عن القارعة لكن نبي الرد الغزلي وجبل الشعبة أنا كفيله ما ينطق لك بكلمة واحدة لأن مفاتيحة عندي .. سوف ننتظر الرد الثاني .. وإذا خايف مرة مرة مرة .. ارسله لي على الخاص .. |
اقتباس:
***** صالح بن عطيه لا حس ولا خبر وما معنا غير (العوين) عبدالله رمزي عسى يرد وان شاء الله نصور صالح في وقعه جديده ***** |
سلام يالربع كيف حالكم وآبو توفيق آربه أشوى مادام اني ذكرت أبوتوفيق فقصتي هذه شاهد عليها وعليه تحديد الزمان ولولقي نقص في القصيدة يتمه فهي من الذاكره في سنه من السنين وجدي علي بن قسقس رحمه ذاهب الى جدة أحب المرور على جدي عجير من الطائف وبعد السلام ومشاهدة المنزل الجديد قال رحمه الله ... أسمع ياعجير البدع منه رحمه الله ياسلام الله على من كسب دنيا ودين رزق متوفر وراحه معى سكنى عجيبه ويضيف من صخا لو يكون الشي غلي فرد جدي عجيررحمه الله الرد مرحبا وأهلين ياعز من جا وافدين لادعاهم داعي الدين والتقوى يجيبه مايبدي رغبة الفايده والشيغلي رحمهم الله جميعآكانت حياتهم بسيطه وسلامتكم |
لعيناك ياأبوسامي جاك الرد الأصلي : الرد يمرطيفك على الخافق كما برق ديمه يجي بهتان ماأبغي سيل جارف وله راج يروي ضما الروح واتذوق منه شهد حالي مااحسنك لاضقت تعتب دوم بالهمس وآ ليف ماارضى بغيره ترى ولا المودين واجد والقلب بأمره يحدد من نحب ونعزي وسلامتكم |
وينكم ياهل الخيمه الله لايشغلنا الا في طاعته علومنا خير ليلة الجمعه الماضيه بدينا بالمسحباني وكان فارسيه عبدالله رمزي وصالح عطيه بحكم الأقدمية واللياقه ماشاء الله وبدع أبوسامي بقصيدة قال فيها : آنا تعبان والله شاهد من هزيمة عميد النوادي وماحد رد ولأن لياقتي ضعيفة فلم أجد الرد الا بعد دقائق وقلت فيه : لاتقلي وش احرق وش آهد حل كذا عن عشاش (ن) نوادي وآبوتوفيق يدري بالنيه ماعلينا بعد مغادرتي لمقر التجمع (استراحة العروس) جائتني هذه الخاطره (من طويل الحداوى) البدع ماعد ابغي استمع عن شي يجي من بلاد الرافدين بعد ماريت بعض اطفال يبحث عن اعمامه وجده وسط كومة جثث واجساد متناثره من دون روس ياعراق الثقافه والحضارات شف شعبك يعاني أرحموهم من التدمير والقتل في تالآونه حكموا شرع ربي عل كل (ن) يصون ماله وعرضه خلوا الشور والتنفيذ لأهل العقيده والتقى وابشروا بالرخا والعز فان السعاده قادمه الرد مرحبا واثني الترحيب باللي لفونا وافدين صفوة مالشرايع جت ومكه وبعض أعلام جده ليلة للوفا والود كانت بقاعات العروس وآبو سامي و(ريسنا) بدوها بلعب المسحباني وتجلى أحمد الثابت وصالح عطيه عاونه وآل رمزي رموز الحفل زادوا حلاوتها بعرضه حي من نسق الليله ومن رتبوا للملتقى يالله انك تديم الوصل والقرب والشوق ا دمه وعذرآ لوحصل مني قصور |
والله يابو ناهل ماشاء الله تبارك الله...
دغسان صغير طلع علينا.. هذا يؤكد ماذهبت اليه في موضوع سعيد بن راشد من ان الساحات اعادت اكتشاف المواهب والمبدعين تحرروا من تاريخ دغسان الخالد وتاكدوا ان شاعريتكم ممتازة .. والله ان فيك شاعرية يعني جني صغير( فردوق) .. المهم واصل الابداع وارسل الشعر وسوف تجد ان لديك موهبة ممتازة... |
جني صغير مطور بس آخاف مايجي الا ب dsl واذا انقطع وقتها دورني عاد |
ابو ناهل حتى انا اتمعرف..
وهذي سبيشل فور يو: البدع... يابو ناهل عندك المعرفة فعل وقول شي تجيبه مايجي الا مع شاعر صحيح الغزل خلك بعيد عنه واصحى تجيبه خيمة الحماية لاتشعل الفتنه عليك يالالالالالالاله يالالالالالالاله يالله رد............ |
الله يديمك يابوحمدان وترانا في الهواسوا وأنا تلبية لنصيحتك سوف أرد بعيدآ عن الغزل الرد ياعلي الدوري حرمنا منه ب اسباب (قول) والبطل خلوه ثاني ولانقدر نصيح والذي ضحى بوقته وسخر مال جيبه صادروا حلمه وقالوا كذا عنا و (اليك) هذا عن اللرد وبمناسبة اعتزال نجم النجم أبوعبدالله أهديك هذه الخاطرة البدع سهمنا المحبوب له منزله وسط القلوب والله ماجا مثل ماجد ولاظني نشوف كم جلد حارس وروع دفاعات الخصوم ماعاد باقي الا يسجل لنا برموش عينه ظاهره حيه لتاريخ نادي عالمي وسلامتك والله الله في الرد |
انا يابوناهل معرفتي على قدي ومابلاش من الاحراج..
على كل حال جمعت قواي الفكرية والعضلية وترددتها من هنا وهناك.. وكتبت هذا الرد الذي قد يحتاج الى وزن بلوف او وزن اذرعه او يمكن دركسون.. والمعنى في( كرش) الشاعر.. الرد: يالله تكفينا شرور الحوادث والقلوب وارزقنا بامطار جمةولا نبغى نشوف حي من صلى لربه وحي من يصوم والذي متوكل وصادق ربي يعينه انت لك عالمك وانا بعيش بعالمي وارجوك لا تعيدها والله تعبت..... |
يابو حمدان هذا جني صغير ( فردوق ) على قولك اجل لو انه جني رباع والا سديس وش بيسوي ما شاء الله عليكم الاثنين عيني عليكم باردة مبدعين ومتألقين وقلبتم الطاولة على اهل الخيمة اشوفهم تنحوا مدري خوف منكم والا الحذر زين دمتم بخير وعافية وعجلوا لا تطولون الغيبة يا نافدا وفديت الخشوم وادفعبي عنكم |
. ***** مشاء الله تبارك الله أبو ناهل جا يطل وغلب الكل وودنا نشبها بينه وبين عبدالله رمزي لعل وعسى يجينا أما والا مع اني مقتنع ان أبو ناهل مهو قد عبدالله رمزي وخايف عليه من بطش عبدالله رمزي لكن إذا صادق أبو ناهل فيكتب بدع محكرف ونشوف مستوى عبدالله رمزي وقدرته على الرد والميدان يا حميدان ***** |
الحقيقة ان الاخ عبدالرحيم بن قسقس رد وامتدح ابوناهل وانا ولا جاب لي طاري
وتعرفون الشعار ياخذون في انفسهم شوية وبناء عليه فهذا بدع للاخ ابوتوفيق ارجو ان يرد عليه البدع: يابوتوفيق اخبر اني قليل المعرفة لكن مهما يكون مايصح تتجاوز علي كان ودي منك ياصاح بدفعه معنوية بس اشوف انك تحابي لبعض اعضاينا يالالالالالالالالاله يالالالالالالالالالالالالا |
أكبرتها جهدا ياأبوتوفيق عبدالله رمزي أستاذ تتلمذنا على يديه ولن يصل أحدنا مواصيله فلا تتعب نفسك المهم جتني خاطره وهذا بدعها والرد مفتوح لمن يريد ان رد ابوسامي فهو شرف رفيع لي البدع الحصن لاتحسبه من طارف الخدور كنك تقارن بين ماي الفرات وفيق وآخاف بكره تطلب النخل في نعاش عبدالله رمزي مدرسه وآنا من طلابه وان كنت تجهل موقعه بيننا زره |
. ***** يقول الشاعر يا أبو ناهل ومن يهب صعود الجبال ... يعش ابد الدهر بين الحفر ما عليك من عبدالله رمزي وغيره الأن في ملعب عبدالله رمزي عدد من القصائد ولم يرد حتى الأن البدع الأول يا ابو رائد وينك الليل ماجيت الزواج لايكن زلّت بك الرجل في بعض القصور تحسبنك عند ربعك ترحب بالضيوف يا حليلك وانت داخل وخارج تاتلعثم رجل قدامك ورجلا تخط بها ورا البدع الثاني يمرطيفك على الخافق كما برق ديمه يجي بهتان ماأبغي سيل جارف وله راج يروي ضما الروح واتذوق منه شهد حالي مااحسنك لاضقت تعتب دوم بالهمس وآ ليف ماارضى بغيره ترى ولا المودين واجد والقلب بأمره يحدد من نحب ونعزي البدع الثالث الحصن لاتحسبه من طارف الخدور كنك تقارن بين ماي الفرات وفيق وآخاف بكره تطلب النخل في نعاش عبدالله رمزي مدرسه وآنا من طلابه وان كنت تجهل موقعه بيننا زره البدع الرابع ارسله لـ عبدالله رمزي فوق البيعه يابوتوفيق اخبر اني قليل المعرفة لكن مهما يكون مايصح تتجاوز علي كان ودي منك ياصاح بدفعه معنوية بس اشوف انك تحابي لبعض اعضاينا والبدع الخامس ولا حس ولا خبر لـ عبدالله رمزي يابو ناهل عندك المعرفة فعل وقول شي تجيبه مايجي الا مع شاعر صحيح الغزل خلك بعيد عنه واصحى تجيبه خيمة الحماية لاتشعل الفتنه عليك يا أبو ناهل تعاون مع علي بن جاهمه ولا يهمكم رابطة المشجعين جاهزه بس المهم من يدق الجرس ونشوف وين عبدالله رمزي ***** |
واحد من الرفاقة طلب مني تقديم خدماتي وممارسة هوايتي في لم الشمل بين الفرقاء والحقيقة اني جاهز لكن لي مساعدين افتقدتهم كثيرا مثل المحرق الكبير عفوا المربي الكبير احمد بن فيصل وفاعل الخير محمد التابعي والرجل الصالح علي ابو علامة والمحسن الكبير عبد الله بن رمزي وكل واحد منهم يعرف نفسه جيدا وفعايله قصدي فعله للخير ولهذا لابد من تواجد فرقة حسب الله لفعل الخير للبدء في اصلاح ذات البين بين المتنافسين الاعزاء .
|
. ***** الخيمه مهبيه ومليانه ورق وغبار ولا فيها اقبع ***** |
السلام على الجميع .. أولا لا تؤاخذونا إذا تأخرنا عنكم عندنا مشاغل .. ثانياً .. شكل العادات القديمة سوف نعيدها هنا في الخيمة .. يعني إذا واحد أخطأ على واحد لابد يعطيه الحق وإلا سوف يقوم أعضاء الخيمة بتعز يره .. إما بذبح الثور أو يقاطعونه سنه ما يحضرون مواجيبه وإلا يختم بخاتمة يحضرها جميع الأعضاء أو بعضهم حسب الاتفاق .. عبد الرحيم قسقس .. وجه لي عدد من الاتهامات .. يقول أن في مرماي خمس قصائد لم أرد عليها .. (الأن في ملعب عبدالله رمزي عدد من القصائد ولم يرد حتى الأن) يبيني أسير ملقوف .. القصيدة الأولى .. مطلعها (يا أبو رائد) إذا ليست موجهه لي . القصيدة الثانية .. مطلعها (يمر طيفك على الخافق) هذا رد غزلي من ابو ناهل على قصيدتي وأنا طلبته منه . القصيدة الثالثة .. مطلعها (يابوتوفيق ) إذا موجهه لأبي توفيق وليست لي . القصيدة الرابعة .. مطلعها (يابو ناهل) أيضاُ ليست موجهه لي .. أما القصيدة الخامسة من ابو ناهل لم يوجهها لي ولكنه ترك الرد للجميع وبعد مضي هذه الفترة لم أجد عليها رداً .. رديت عليها وعلى الله وعلى باب كريم .. البدع . أبو ناهل الحصن لا تحسبه من طارفالخدور كنك تقارن بين ماي الفرات وفيق وآخاف بكره تطلب النخل فينعاش عبدالله رمزي مدرسه وآنا من طلابه وان كنت تجهل موقعه بيننازره الرد0 بن رمزي أنا نسيت الخيمة اليوم ياخ دور يا أصحابنا نادوا لي الشيخ أبو توفيق وإلا فواحد يسأل الشيخ فين عاش الحق لي عنده ولابد من طلاّبه إما عطاني الحق لازم نعزّره أنتم خير من يحكم في هذا الأمر .. واللي تبونه تم .. |
أنا آشوف إنك مخطي يا بو توفيق بس ما أدري في أيش المهم إنك مخطي ولازم ترضي الرجال،،، والا ايش رأيك يا جبل الشعبة أنت كبيرنا وتعرف الحق وتمشي معه، .. |
الخطا كبير ولا يغتفر ياأبوتوفيق وآبوسامي ماجا منه قصور وعلى قول أحمد بن فيصل لازم آبوسامي يآخذ حقه |
اقتباس:
انا جاهز عصاك الي ما تعصاك ياجبلنا .. آمر : ادمر, احرق , اخبص , منذلة من نوع خاص للحبايب vip , بس انت اشر وانا انفذ .. |
| الساعة الآن 09:33 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir