|
عبد الرحيم يعطيك العافية على هذي الصورة لابو فارس لعلها تخطفله وتجيبة ونعرف سبب غيابة ياحسوفتي ان كان يخاف من بعض الناس هذي مشكلة مالها حل الا نطلعبة عند الفقيه يقرا عليه . عبد الله رمزي وابو حمدان يعطيكم العافية اضفتم جو معطر بقصائدكم الرائعة تستاهلون كل خير علي بن حسن تعقيب جيد وملاحظة رائعة تنم عن حسك الشعري وذوقك الرفيع لا عدمناك ابا حسن منك نتعلم لك كل الشكر والتقدير . جبل الشعبة نفسي اشوف فيك يوم واحنا نعزرك الخيمة ما تدخلها الا مواثم وبعض المناسبات تلفق لها اعذار مدري من فين تكتالها اما جبل على اسمك والا يجيك علم ثاني هذا تهديد شعب الجن والا بستعين بـ ( جدي )والمعنى في بطن الشاعر . احمد بن صوهد حط ايدي بيدك انا ضامي عليه وهو يعرف السبب وزي ماقلت التعزير وارد والله يستر وش بيجي بعد التعزير في علوم تبرك الجمال صبرك شوي |
جبل الشعبة الله يسعدك والله اني حتى انا معي غبينه على عدم شوفتك وانا الي سألت احمد عنك ساعة ما اتصل فيك اضنك عرفت الحين منهو من السناتيل محرق العشاش ودي تاخذه للخنقه يتدرب عليه البوديقارد اما الميشع قد ركب دبابه وهج وعذره معه كله عراقيب وشاف الجور و العضلات http://sahat-wadialali.com/vb/upload...1203026394.jpg باقي عبدالله بن رمزي يقول بهزمه بالقصايد يبغاله يركبها بالنقليزي على طرق غربي علشان يفهم المصيبه الي جبته |
الإخوة الأفاضل أعضاء الخيمة ومرتاديها السلام عليكم والله يمسيكم بالخير علومنا خير وصلاة على النبي الديرة والسيرة واحدة في وادينا والله هادينا لا مريض ولا عريض الأرض غبرة وعند الله الشبرة الغلاء عم كل شيء ونسال الله الفرج وكل ما نخشاه أن تكون بسبب ذنوبنا والله المستعان مر أسبوع الإجازة بسرعة البرق في مناسبات وعزا يم وأفراح والحمد لله إلى هذا اليوم جيتكم مسلم ومعي لكم علم أبناء رمزي بارك الله فيهم جميعا نصبوا خيمة في المغمس بمكة المكرمة وحبينا نجتمع فيها يا أعضاء الخيمة يوم الخميس القادم الموافق 14 /2/1429هـ يعني ليلة النص إن تبونها عزيمة منا فنقدر وانتم تستاهلون وان تبونها عزير لجبل الشعبة فهو يقدر وانحن نستاهل بسبب غيابه عن مناسبة على التابعي وبن جاري وتكون عبرة لغيرة وان تبونها فرقه على كل من حضر قلنا تم اللي يعجبه هذا الكلام ويقدر يجي يسجل اسمه من اجل نحسب حسابه في الحميصة والعشا واسمعوني زين التواجد سيكون بعد صلاة العصر مباشرة نسولف ونتهرج ونتحمص الين المغرب نولع الأ تاريك والفوانيس ولو إنا ما نحتاجها لان القمر في منتصف السماء أول واحد يسجل اسمه له عندي ... إذا جاء علمته بيني وبينه محمد التابعي اسمع أنت والمصيبة اللي جبت صورته الله الله لا أشوفه جبل الشعبة سيتبع العرف القبلي وماله ومال المشاكل هذا ما نعلمكم به وعفاكم |
. ***** اكتب اسم مسفر وعبدالرحيم وأحمد وعبدالقادر قسقس في أول القائمه بسررررررررعه ويااااااااا حليلك سارت أربع .......... المهم الدقدقو أبو القتب الكبير يكون موجود وبالقطه شبعنا من جبل الشعبه وعلمي وسلالالالالالالالالالامتكم ***** |
الله يخشعكم كل واحد دقني بكلمة ما ادري ليش ما تستكفون بواحد شعب جعملة وعبد الرحيم قسقس وعبد الله رمزي وما فيكم الا محمد التابعي جاب لي البودي قارد ابو عضلات واخرع الميشع وركب دبابه وهج وفكنا الله من شره واقترح تدريب البودي قارد على السنتول وهذا احسن اقتراح ولا بيشفي غلي فيه الا هو .
اما خيمة آل رمزي فانا موافق اذا كانت بالباي والا اعتبروها عزير وانا والله موافق ويشرفني ذلك اقلها انفك من الخوف على الثور . وما اطلب الا واحد يتطوع ويذكرني لان الذاكرة مييييييييح سلمتها مع العهدة يوم خرجت من التعليم . |
اقتباس:
***** حياك الله يا أبو ياسر وما عليك إلا تركب سيارتك إلى حي الشعله بجده وتوقفها ولك من يجهز لك مشدود وقهوه وشاهي وسوالف من جده إلى الخيمه والعوده بعد نهاية الجمعه الموفقه ولكن علي بن حسن بيركب حمبك إلى حي الشعله ثم سيمتطي صهوة أحد المشاديد المميزه وننطلق جميعا ها قل تم تم تم ***** |
السلام عليكم ورحمة الله وبركاته
الأخوة الكرام أعضاء الخيمة ومرتاديها دخلت الخيمة باهب لكم قصيدة مقّولة ولقيت إن شعب جعملة وأحمد صوهد وبن رمزي وعبدالرحيم قسقس تحالفوا ضد جبل الشعبة عشان ماحضر زواج بنت التابعي على ولد بن جاري وان أعرف أن الرجال كانت ظروفه خارجة عن إرادته ولم يتمكن من الحضور وأعتذر من أهل الموجبه وقبلوا عذره [أهل الميت صبروا والمعزية .... ] تقومون تهاجمونه وتبغون تعزرونه وتذبحون ثوره وأخرتها عبدالله بن رمزي يعزم على حسابه ويقول عزير وخصوصاً المقربين أحمد وشعب جعملة ليته ماهو بخال واحد ورحيم الثاني بدل ما تدافعون عنه !!! وليش ياجبل الشعبة تغدي تنتزي وتجيب لك بودي قارد ما تخاف إنه يضيق منك ويعود عليك لذلك أنا سأقف في صفك ، تراك محفول مكفول من يوم تطلع مكة لين تعود جدة . أنا كفيل بعدم تعزيرك وأنا أتعهد بتسوية الأمور مع المتألبين عليك في مخيم الربيع بمكة المغمس [الوادي الأخضر] وبنصلح بينكم أنا وابن عجير وعلي بن حسن وأحمد بن فيصل ومسفر قسقس بالاتفاق مع عبدالله بن رمزي وباذن الله يسلم ثورك ولا تعوّدون جدة إلاّ وأنتم سمن على عسل نتمنى حضور جميع مرتادي الخيمة |
اقتباس:
اقتباس:
هل الحضور مقتصر على اهل الخيمة وإلا من اراد من الأعضاء ؟؟ طالما هي بالفرقة أرى انه من اراد الحضور يسجل اسمه ... نبغي تجيبون لنا من حقينة الرجال !! ونبغي قصائد ... ولعب مسحباني .... إلى الفجر يعني ليس عشاء وكل واحد يقول يالله بنِسْري ورانا ... وورانا ... وسجـّـل اسمي عندك يا معلم .. |
شكل الحظور مقتصر على مرتادي الخيمه فقط
هنيالكم ..... تمنياتي لكم بطلعه موفقه ان شاءالله تعالى.... تحياتي: عبداللطيف ابوعلامه |
شكرا لك يا عبد الرحيم بن قسقس وانا اقل تم تم فقط ذكرني الله يجزاك بالخير .
*************************** اخي عبد الرحيم بن رمزي انا رجال يتيم لا ام ولا اب ولهذا اعتصبوا عليه المطاليق واضطريت ان انفذ اقتراح محمد التابعي وجيت بالرجال ابو عضلات وما اخفيك ما اقدر اقله كلمة اذل يولمني ومصاريفه كثيرة ياكل في كل وجبة حضن عيش وتوابعها لكني محتاج واجبروني الرفاقه عليه . لكن ما دام ابو رمزي فيه فرايتي مرفوعة الله يستر عليك فكني من شرهم لانهم يدورون الشر سلف بدليل اني اعتذرت من بن جاري وقبل عذري واعتذرت من علي التابعي وقبل لكنهم حرشوه وانقلب عليه . ففكني منهم الله يفكك من كل شر وتذكر اني يتيم والله يقول واما اليتيم فلا تقهر . |
| الساعة الآن 01:02 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By
Almuhajir