|
اقتباس:
يعني ما صدقت يا ريس الله يحفظك على الاقل قل ما فيه داعي خلوها بعدين لكن موافقة على طول !!! افرض اني ما نيب بكامل قواي العقلية او اني مغصوب . لكن موافقة على طول ودي يكن تزبنت شوية . هيا وانت اخي فكيف الباقين ؟ ماهي بعيدة يوافقون كلهم . الله يهديك يا صالح بن عوضة ورطنا . تدري الله يحييك اذا نطحت غمضت ما اقل الا الله يحييك . |
( بيان ) بعد غيبة لي قصيرة فوجئت ببالغ الحسرة عن أنباء وردت ضمن النشرات المتعاقبة عن تعرض أحد أفراد ( ربعنا اللي أنت خابرهم ) يا أخ عبدالحميد .. من تعطيل استحقاقات مالية وعينية سابقة عائدة لفرد يتيم ولمدة نصف قرن وحيث أن ( الأفراد اللي أنت خابرهم ) لا يرضون بظلم يلحق بأحد الأعضاء .. وخاصة لليتيم المذكور .. لذا ... ثم ... لذا : فإننا نطالب فورا المعنيين بالأمر بتنفيذ المطلوب وتحديد السطح الذي ستقام عليه مسألة ( الرضوة المؤقته ) على أن تكون كما أشار أحد المصلحين - حسما مستقطعا - من الرصيد المدور .. وأن يعمل : مقاصة للحساب .. بعد تحديد الأرباح المركبة للمبالغ المتراكمة سابقا وفي حالة التأخر والمماطلة سنتخذ الإجراءآت الكفيلة بعودة الحق إلى نصابه والله الهادي إلى سواء السبيل |
يعني انا ناقصك يا بن ناصر يا ابا فيصل ؟ تشوف الرفاقة كلهم ضدي الا ابو صالح وفقه الله وادامه نصير للمظلومين من امثالي ، تقوم انت تجي تكمل الناقص وتنخش عن الماضي وابأثر رجعي وتطالب بالارباح المركبة والحساب المدور وتدخلني في متاهات ، واخشى أن لصميد الحنان الذي انت خابراثر عليك ؟ وجاء الدور لترد الصاع صاعين ، ما كان قعدت في المكان الذي كنت فيه افضل لك ولنا وابرد لك من هذا الجو الحار . على كل الرفاقة بيسدون وانت خلك على الداعي ولام والعزيمة إن شاء الله بتتم وإذا تقابلنا انشر سفرتك والله يعينا عليك ، وانا ما معي الا الله ثم ابو صالح الله يمتعة بالصحة والعافية يساعدني خاصة واني حتى اخي يتل ويلا الهداء الله يعطيه العافية ما تشوفه ماهلا عذرت ووافق على طول بقوله تم تم تم . قبل ما ينشدني وش عندي . اقل الله يخارجنا . |
[type=961652]
أنا مسـتعد أعِيْرُ المضيّف أكبر سـفرة في الســعودية [/type]" نفية " من سعف النخيل على كيف كيفكم.. دخلت موسوعة جينيس لللأرقام القياسية قبل سنة. لاحظوا كبرها بالنسبة للرجل الواقف بجانبها. وقد اتفقت مع راعي ونش يطلعها فوق السطوح بالشي الفلاني، فلا تحرموني شرف الخدمة المجانية. http://sahat-wadialali.com/vb/upload...1307131455.jpg |
أنا أعجبتني كلمةالحساب المركب والرصيد المدور والأرباح المتكركرة فودي يا أبو ياسر تهرش علشان لا يروح راس المال بغينا ابلهم وخذوا غنمنا |
. ***** اقتباس:
ولا نزيد على سمن أبو حسن إلا عسل والأفضل والأجمل لكما كل واحد لحاله عشان الشرهه لا تلحق حد فيكم ***** |
النص للريس تم ..تم.. وفوق العلم .. ولو كل واحد لحاله بعد أحسن . تم ثم تم وتم واقل تم فوق تم وانت قلتها ياريس ونحن وكما قال ابوتوفيق دق الحديد وهو حامي انا قلت يابوياسر خذ من قصيرها قبل ماتتشعب وتتعب انت لاكن اللي مايسمع النصيحة يستاهل كنها من ايدي بتقول الله يحييكم وتستاهلون وفي نفسك تقول للزيت مايرزى للزيت بس عجل بها وحدد الموعد قوام على قولك فديت الخنافر |
(حتى انت يا بروتس ) حتى انت يا سعيد بن راشد مع الفئة الهجومية على شخصي الضعيف ، وسفرتك هذي وش يعبيها ؟ من باب الطرفة تذكرت موقف حصل بين الزميل العزيز عبد الله العبادي رحمه الله والزميل العزيز صالح العباير حفظه الله ومتعه بالصحة والعافية . تغدى صالح العباير عند العبادي مع بعض الضيوف الآخرين وعندما اخرج العبادي سفرته مدها كلها وكبرها قال صالح العباير : يا عبد الله لا تكبر السفرة بد اسأل اهلك وش عندهم يمكن الذي عندهم ما يعبيها ... هههههههه . ولهاذ انا اقول يا ابا محمد وش يعبي سفرتك العملاقة ؟ الله يعطيك العافية ويستر عليك كنت اتوقع انك بتدافع عني . |
اقتباس:
الله ما احسنك ساكت . ترى نفسي راس خشمي وانصحك لا تنخش عندي تراها واصلة . |
اقتباس:
يعني ما بك الا تلحقنا الشرهة يا ابا توفيق لو اشتركت مع طيب الذكر صالح بن عوضة ؟ الله يستر عليك ويخليك لاهلك . انا مدري وش اغداني اكتب عن صالح بن عوضة ما كان سكت .. صدق دغسان ابو عالي رحمه الله عندما قال : ( بعض الارشاد تنفعنا وبعض الحكم ننشب بها ) |
| الساعة الآن 12:32 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir