|
|
|
|
|
|
|
|
|
|
|
http://img95.imageshack.us/img95/520...120copy6ra.jpg ماكذبت أمي عليّ .. يوم قالت .. ياجنيني ... لاتنام إلا متوضي ... وصل .. للـه ركعتين .. واقرالك لو آيتين .. وارفع يديك وتضرع .. بالدعاء .. يشرق النور بجبينك .. ماتجيك أحلام توحش .. وماتقوم الصبح .. مهموم .. وحزين .. |
ماكذبت أمي عليّ .. يوم قالت .. ياجنيني ... لاتصير إنسان جارح .. إضحك بوجه الجميع .. عامل الناس بتسامح .. لاتفرط في حقوقك ... لاتجامل في النصائح .. ولاتثور .. تصير فاضح .. وإن لمست عيب صاحب .. لاتنافق .. ولاتصارح .. وإنتبه من هالنصيحه .. لاتصير إنسان غامض .. ولاتصير إنسان واضح .. |
ماكذبت أمي عليّ .. يوم قالت .. ياجنيني ... إحذر .. أولادك ومالك .. لاتجافيهم وتقسى .. ولاتبالغ في دلالك .. ربهم بالخير .. تربح وعلم النفس القناعه .. وعلم القلب الشجاعه .. ولاتغطي العين وتحلم وتخدع الرآي بخيالك .. |
ماكذبت أمي عليّ .. يوم قالت .. ياجنيني ... إنتبه .. لاتبني دارك قبل ماتختار جارك وفكر بحق المجوره !!! لايحس إنك ظلمته .. وإلا إنك يوم خنّته .. وإلا توذيه بصغارك .. |
ماكذبت أمي عليّ .. يوم قالت .. ياجنيني ... إن وعدتَ وعد .. فاصدق إحذر تزل بلسانك .. أو تقلل يوم شانك .. عش عزيز النفس تسلم .. حاجتك للناس .. علقم .. لاتبين ضعف حالك .. أو يغرك زود مالك .. ولاتهين إنسان .. تندم .. |
ماكذبت أمي عليّ .. يوم قالت .. ياجنيني ... خلك إنسان بكرامه .. لاتغرك هالأمور .. المناصب .. والقصور .. فكَّر بيوم القيامه .. فكَّر إنك ماأنت خالد .. رحلة الدنيا قصيره .. تلقى نفسك في سلامه .. |
ماكذبت أمي عليّ .. يوم قالت .. ياجنيني ... إحذر تصير البخيل .. واحذر تبذر وتطّغى واحذر تعيش بخساسه .. أو ذليل .. ولاتنام بيوم خالي .. لاتنام بدون لاتفعل جميل .. تلقى نفسك في معزه .. تلقى روحك في شموخ .. ياجنيني .. عش أصيل .... ومت أصيل .. |
ماكذبت أمي عليّ .. يوم قالت .. ياجنيني ... كل ماسويتْ فيني .. أو في أبوك .. تبي تشوفه من عيالك .. ياجنيني .. بر فينا تلقى بِرك .. ياعسى اللـه لايضرك .. واللـه اللـه .. لاتلين بضعف تعصر وإلا تقسى بشر تكسر ياجنيني إصحى .. وإحذر زوجتك تشكى وتكدر .. لاتدقق في خطاها .. وإنتبه تكشف غطاها .. تسعد بنعمة وفاها .. وتلقى منها مايسرك ... |
ماكذبت أمي عليّ .. يوم قالت .. ياجنيني ... لاتمل هموم حملك .. ولاتظن الناس مثلك .. واصنع أمرك من يمينك .. لاتدور من يعينك .. بين ربعك .. ولاأهلك .. لاتعامل باللي تكره .. ولا تجارم وإلا تشره... ياجنيني .. .. هذي وصايا .. لاتفرط في بعضها .. ماتتوه الشمس عينك .. أو تتوه الأرض رجلك .. ياجنيني ها لامانه حاول تحمّلها طفلك !! ؛ راق لي كثيراً فنقلته لكم |
|
|
|
|
|
|
|
|
|
|
|
«®°•.¸.•°°•.¸¸.•°°•.¸.•°®» http://sahat-wadialali.com/vb/upload...1238172428.gif http://sahat-wadialali.com/vb/upload...1231431683.gif ابن القريه سلمت يمينك نتابع كل جديد نقف لك احترام وتقدير http://sahat-wadialali.com/vb/upload...1231431683.gif «®°•.¸.•°°•.¸¸.•°°•.¸.•°®» |
|
|
|
|
|
|
|
|
|
| الساعة الآن 12:37 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir