|
اقتباس:
والله اني اعتقد انا بنحول الشد عليك اعتقد ان جلدك ياكلك وودك نصهدك بحلم والا حلمين واهي حامت حداديك |
الله يسعد صباحكم بكل خير بن ناصر بيض الله وجهك وسمعت كلام عبد الله الزبير سمي الشاعر الفريض والحمد لله إنه أشار عليك بالقبول .. طالما أن الأخ نايف دخل في الموضوع فمثل ما قال الأخوة كلامه لايرد وله ما طلب .. إضافة إلى أن على أبو علامة وقال دوننا ونحن من عادتنا نوفي كلام من قال عنّا .. وأنت عزيز وغالي والحقيقة ما ودّنا تقعد حد الوسمية تدوّر لك على من يبغر بلادك .. لكن نفسي اعرف كيف تقدر تتقود ذاك الثور ما شاء الله عليه ( لا تقول صكوه بعين ) يا جبل الشعبة (وبن رمزي سمحوا خاطره ما ودنا بتعبته وتعبت الشاعر تضر والشور شوركم وأنا مثل ما قلت ما اقدر أتقدم على الرفاقة لكن بنرد منكم إن شاء الله وما يكون إلا خير) . إنا متنازل طالما أن الرجاجيل قالوا عنّي ... لكن الظاهر إنك أنت اللي تدور على رضوة .. وإلا كيف تقل ما تقدر تتقدم على الرفاقة .. الرفاقة قالوا عنّا كلنا ولا لهم إلا وفاية .. أبو فارس .. لم يقل خلاف من حرصه على بقاء الساحات عامرة فقط لأنه يتوقع بين الحين والآخر أن دخان الحرايق سيعلو الساحات الرجال متعود على دخان المصانع ونارها يعلو المدينة الصناعية .. ومن كثر ما شاف من وحدات الدفاع المدني يتوقع ذلك .. (ويبشر ببوسه) على جبينه لحرصه علينا . |
الله يكرمكم
كان هذا املي فيكم ولم تخيبوه وكنتم عند حسن الظن 00 الرجال من جماعتي ومن قربتي ومن لحمتي وبحسن نيه تصرف ما كان متوقع انكم جاهزين واحمد الله انكم عفيتم وصفحتم ومن عفا فاجره على الله 00 لكــــــن ارجوكم لا يبقى تحت الرماد ه 0 جمره 0 وتزيد تشتعل بفعل فاعل او غيرمتعمد بيض الله وجيهكم وترى حقكم عليه اجيبه لكم والا تكرموني تجون تاخذونه وتمنحونني شرف اكــــــــرامكم ورضاكم والرجال ما قصر وانا متأكد انه شـــــــاريكم 0 لكن0 انتم عيونكم0 حمراء 0 ويلينا 0 مدري 0 لجل 0ايش 0 وانحن ما نستاهل 0 لو ما يشفع لنا عندكم الا حبنا لكم وليت الناس مثل بن رمزي لا تتعذرون به كثر الله من امثاله وامثالكم جميـــــــع وســــــــلامتكم وخــــــــاتمه |
بسم الله الرحمن الرحيم الاخ العزيز / ابوفيصل هالحين بعدما نزحت السيول وجبت الثور وعادت الحقوق لاصحابها مانقول إلا كثر الله خيرك وبارك الله لك لكن عندي سؤال ودي تجاوب عليه بصراحة ، من هو صاحب فكرة تخصيص الغرفة إياها للضيوف ؟! |
يمون أبوصالح ويستاهل أبوفيصل ولاعزاء لمحرقي العشاش ومادام ذكرنا المحرقين انا اطالب بحق واثق في إنصاف الريس وأبوصالح وجبلنا الأشم وأبوعبدالله وابوفيصل وابواديب أكمل ترى القائمة طويلة شوفوا العلم : أنا بدعت لأبوسامي وقلت الرجال بيرد بما يخدم رغبة أبوصالح لكنه تجاهلني و بحسب قانون الشعر كما تعرفون لازم نعزره وأنا عودت اجر أذيال الخيبه وأرد على بدعي المضطهد فقلت : الرد هرجة الوافي تلين قلوب عنادروس وآبوصالح له مكانه وعالشيمه نشا وش يرى في ذا جعل بدعنا علم انقضا مابنقبل غير فردوق من لحمه نذوق كلنا نشهد بضيفات ابوسامي وجوده شهم في سره تلاقيه وعلانيته ........ وسلامتكم ........ الأمر متروك لإنصافكم وأنا أترقب حكمكم بقي ان اذكر ابوفيصل بإستفسارأبوعبدالله عن صاحب فكرة تحويل الغرفة للضيوف ؟ |
اقتباس . المشاركة الأصلية كتبت بواسطة ابوفارس .... من كثر تحريق العشاش ... اتوقع الاداره تفتح فرع للدفاع المدني ... في الساحات لا يابو توفيق لا هنت انت والربع الدورة على ابو فارس ما تشوف وتقرا الي كتبه يعني وش قصده ... بالله هذا كلام ينسكت عليه؟؟؟ وينكم ياااااااا عزوتي هذي المشاركة رقم 41 نسيتوها بن ناصر ماقصر وعفا الله عما سلف لا تخرجون عن الموضوع خلونا في ابو فارس نشوف وش عنده من علوم |
اشكر كل الإخوة الذين لهم مداخلات إضافية وأقل ما أقول عنها جميعا إنها رائعة حيث أوجدت جوا جميلا من التسلية المغلفة بروح الود والمحبة ** *** ** بالنسبة لسؤال أخي أبو عبدالله .. وبصراحة : الأمور جاءت بطبيعتها .. لأن الغرفتين الأمامية في كل منها إثنين من الزملاء لأنها على الشارع .. والغرفة الخلفية زائدة عن الإحتياج و في الخلف فتم إستغلالها لذلك الغرض وكانت لمدة شهر من نصيب شريكنا العزيز في العيش والملح عبد الرحيم قسسقس (( مدير عام غسل الصحون في العزبة آنذاك .. يساعده في المهمة زميله عبد الله قسقس )) (( ماهلا نفارع بينهم من كثر ما يتدابغون ..طبعا مزح )) (( وبصراحة أيضا ترى الطائف مشهور بتلك .. الحوامات .. من ذلك اليوم حتى هذه اللحظة ) |
... يالربع ابوفيصل ... اول مشاركه له في صدى الوادي .... وفرحت انه قبل الدعوه الله يخشعكم ... خلونا نرحب بالرجال ... وعلومه ... وقصصه ... ياابواديب ... انا قصدي خير بالدفاع المدني وكلا فهمها على مانوى :) وبشار يسلم عليك ... ويسأل دائم عنك ... الله يديم المحبه .. وحرايقكم .. تحييون صدى الوادي .. |
. ***** في مشاركه سابقة للحبيب الغالي أبو سامي اقتباس:
وكذلك للحبيب الغالي اقتباس:
قد تفهم هذه المداخلات على غير هدفها ولذلك نوضح انه بعد تسجيلي في معهد المعلمين بالطائف لم أجد أنا وعبدالله بن صالح قسقس سكن وبمعرفة الأب الروحي شقيقي عبدالله العبادي (عليه رحمة الله) توفر السكن مع الأخوين العزيزين عبدالله بن ناصر واحمد بن شويل ومع بداية السكن سألنا الأخوين الكريمين ( تعرفون تطبخون ) وكانت الاجابة لا لكن نعرف نغسل وننظف فكان رأيهما علينا الطبخ وعليكم الغسيل وبالتالي أُعفينا من قيمة المصاريف اليومية أما في مخيم بوابة مكة المكرمة ورحلة وادي مليل فطبيعة الجمعات والرحلات تحتم على جميع المشاركين التعاون في العمل وتوزيع المهام وكان للأخوان الكرام أبناء رمزي السبق والفضل في تجهيز كل متطلبات الرحلة وكذلك القيام بالطبخ وتجهيز القهوة والشاهي وغيرها ولم يبقى لنا إلا المساهمة معهم بالتنظيف والترتيب والغسيل وجلب المياه والمشتريات اليومية وغيرها وبكل تأكيد إذا أردت النجاح للرحلة وأن يقبلك المنظمون فما عليك إلا المشاركة بيدك وبمالك وبشورك وبالكلمة الطيبة وبكل ما تملك فالرحلة ليست ضيافه خاصه والآن نعود على مشاركة الحبيب أبو فارس ونقول ( سري ) الحمد لله يا أبا أديب جا من يعلمنا أن لك في الشام من يسأل عنك ويترقب زيارتك اقتباس:
***** |
|
| الساعة الآن 02:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir
