|
مرحبا هيل عد السيل اعمدة الخيمة ابو سامي وابو رائد وابو ناهل وابن الجنوب زمان عن السوالف والعلوم الزينة ابشر يابو سامي انت تامر وحنا حاضرين |
هذه تحية خاصة مني للخيمة عباره عن بدع أترقب ردوده البدع انحن على عهدنا ذلحين وان شبنا وللقا كم سعى قلبي وشيغف له واهل الوفا مااتلقاهم بشيغابي يسدنا كم تناحرنا وشيغبنا أما الذي بين صدقانه وشى بغيبه بازهله واترك طريق بها مشى عيبه .................... الله الله ياربع الخيمه لايبطي الرد .. |
سلام يا أهل الخيمة يعلم الله إن الخيمة دوبه بدأ وقتها خصوصاً في جدة أو مكة والسهرات دوبها زانت والجو رائع .. لكن أحيانا يأتي من ينغص علينا ويجعل بعضنا في دوامة وفي حيرة .. والنوايا ما يعلمها إلا الله نفكر إحيانا أننا ماشين في طريق صحيح وتظهر من الواحد علوم تخلينا في شكك .. أبو ناهل الله يسامحه أحيانا يستثيرني بقصيدة يجبرني على قول شي ما ودّي أقوله .. لكن على قولة ملاسي الله يرحمه القارعة ما ترحم وما أقدر أصيف عنها .. جيت اليوم الخيمة قلت با سولف مع الرجاجيل ولقيتها مهبية وفي جنب الخوط معلق هذه القصيدة .. غنيت بها واستحيت من الرجال وخفت يجي ما يلقى الرد ويدري إني جيت .. هذا الرد يا أبو ناهل .. البدع / ابو ناهل انحن على عهدنا ذلحين وان شبنا وللقا كم سعى قلبي وشيغف له واهل الوفا مااتلقاهم بشيغابي يسدنا كم تناحرنا وشيغبنا أما الذي بين صدقانه وشى بغيبه بازهله واترك طريق بها مشى عيبه الرد / عبدالله رمزي بغى يساير جميع الناس وأنشبنا يحسب بساحاتنا همله وشي غفلة مايدري إنا عرفنا شي وشي غابي في وسط قلبي منه تعبه وشي غبنا مادامت إنه بيتعبني وش ابغي به إحنا بشر ما بنتحمّل مشا عيبه |
|
ماقصرت ياأبوسامي تبقى أستاذنا في هذا المضمار والشكر موصولآ للأستاذ سعيد راشد المبدع والفنان لاعدمت توجيهكما .... هذا من ناحيه ... من ناحيه ثانيه وين ربع الخيمة وأعمدتها ؟ ترانا مشتاقين ... |
الأخوة أعضاء الخيمة الحاضرين والمترددين عليها والغائبين يعلم الله إني أحبكم كلكم .. تصدقون حتى المشاغب الذي يأتي ليثير زوبعة من الرمال ويذهب دون أن تنقشع العاصفة . أحبه كثيراً فلولا حبه لنا ما أتانا وعكر مزاجنا وسيعرف في يوم من الأيام أننا كنا على حق في حبه واحترامه وسيندم على تعكيره لجونا .. نسيت أقول لكم كل عام وأنتم بخير بمناسبة عيد الأضحى .. وهذه مداعبة لأبي ناهل يمكن يكون مزاجه رايق ويرد وإذا ماله نفس فأنا سداد .. اسمع يا أبو ناهل يا رب بارك في أصحابي وخيمتنا يرتاح بالي ليا مريتهم وهله ولو ينادونني باسمي وبألقابي ومن يرحب بتعجبني تراحيبه أبو ناهل لا تشره عليه اختصرت القارعة إلى أربعة أبيات من عادتي أحب التضييق !!! |
لك ياأبوسامي ولرواد الخيمة ومتابعيها عن قرب أو من بعيد عيدكم مبارك وكل عام وأنتم بخير أبوسامي ماشاء الله عليه محترف وانا مازلت وسأبقى هاويآ ... وبالنسبة لإختصار القارعة فلك الحق في ذلك .. يقول أبوسامي في مداعبته لي البدع يارب بارك في اصحابي وخيمتنا يرتاح قلبي ليا مريتهم وهله ولو ينادونني بإسمي وباألقابي ومن يرحب بتعجبني تراحيبه القارعه (محكوره أوي) وانا مجبور على الرد ولكن ترى هل سيروق ردي للحبيب أبوسامي ؟ الرد مادام جبت السند جب له ياأخي متنا والا فرد الحديث لمصدره وأهله موقف ولا آغيره حتى لو ألقى آبي والشور لك مير لاتنسى اقتراحي به ......................... |
سلام والعون أبوسامي من فرحته بعقد قران عادل بن عبدالحميد على إبنة الحبيب أبو اديب كتب هذا البدع ولإعجابي به كتبت هذا الرد وعذرآ إن كان به قصور بدع أبوسامي مبروك يا آل صوهد ملكة الابن عادل والله يدلك لفعل الخير يا أبو علامة الله يتمم بخير ويجمع الكل في خير في زحمة الحج غادرنا الشرائع وجينا جينا نبارك لكم في الحفل يا أحباب قلبي الرد مني إسلامنا منهجه واضح وشامل وعادل واللي بينقد مبادي الدين ماادري علامه مايدري إنا بنور الحق من خير في خير بفضل ربي وبإخلاص العمل كم نجينا قانع بديني ولايحلم عدوي بقلبي .................................. |
اقتباس:
صح لسانك يا أبو سامي انت وابو ناهل آل صوهد و آل أبو علامه يستاهلون كل خير وأنا والحضور ثورنا البندق مع قول أبو ناهل قانع بديني ولايحلم عدوي بقلبي ودق الزير http://sahat-wadialali.com/vb/upload...1218898359.bmp تحياتي للجميع ***** |
سلام ياهل الخيمة والله اني مشتاق لكم ولجلستكم وسواليفكم وما صدقت يشتغل الـ dsl وهوى على الخيمة اتبشر بعد مكانها والا نفرت بها الرياح وسكنوا الجن مكانها ولكن الحمد لله لقيت كل شي مكانه .. لكن ربعنا ماليقيت منهم الا ابو ساميوابو ناهل وابو توفيق وين الباقين : علي بن حسن وجبلنا الغالي واحمد بن فيصل وابو رمزي وابو احمد ( حمود) وابو رائد ...... يالله عسى المانع خير .. لقيت قصيدة بدع ورد من ابوسامي وابو ناهل معلقة في عمود الخيمة والحقيقة ابو سامي دائما يتحفنا بمشاركاته في افراحنا واتراحنا ونادرا ماتمر عليه الحادثه ولا يقول فيها شي ويقابله بالمثل حبيب الساحات وعمودها وشاعرها الفذ ابو ناهل اقول لكما الله يجزاكم خير على مشاركتكم وحضوركم في تلك الليلة كان تشريف لنا وتوجتموها بهذه المشاركة الشعرية صحت السنتكم ولا عدمناكم .. جبت لكم هذا الونيت كسوة جاهز مكمل والمعاميل والميرة كاملة بس الله الله لا تبطون على الخيمة .. ودنا بالسهرات والسواليف والكفشات ... تكفوووووووووووووووووون http://sahat-wadialali.com/vb/upload...1229623529.jpg يالله يابو سامي اركب وخذ ابو ناهل جنبك ومروا على بن فاضل والمكاوي ابو سهيل وان بغيتم الشرايع والا بطحاء قريش آآآآهي دوبها استوت ... http://sahat-wadialali.com/vb/upload...1229623593.jpg وهذا قدرك يابو سامي واللبيب بالاشارة يفهم http://sahat-wadialali.com/vb/upload...1229623997.gif دمتم وفي امان الله بانزل اطوف الشعب واعود لكم .. |
| الساعة الآن 09:26 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir
