|
يا ابا سهيل :
لا تفتل حكم وخلك من الاجتماعات واللجان والدراسة والتوصيات والآليات والاستراتيجيات هذي شبعنا فيها وبعنا وباركنا وخلينها لابو زوبعة . كلمة ورد غطاها حبة تيس او نفر تيس او واحد تيس ما انحن بطماعين اختر احد الخيارات ومعه ما يقتله حسب الذوق وما نطلب السيل الصغير ولا الكبير دور اي مكان حسب التساهيل افضل من بن رمزي يحلم حلم ما يسرك وتراه فتح محل احلام حسب الطلب وبالهاتف ما عليك الا تتصل وتطلب الحلم الذي تريد وراسا يغط في نومة ويطلع بالحلم المطلوب وعنده احلام تفصيل حسب الطلب وعنده احلام جاهزة . انا ادري انك بتقول اني سلفي خرمان لكن قبل ما تقول ترى معي قوم يقضمون الرصاص وما يلهمون العلم خذها براسك احسن لا تجبرنا على بعض المسائل الله يخليك. |
لا ترد الرجاجيل
بسم الله الرحمن الرحيم السلام عليكم ورحمة الله وبركاته أخي الحبيب أحمد بن فيصل أرى ما ترد الرجاجيل إن كان عندك تفسير للحلم قله ويماً لك ويوم عليك ورأيي من رأي الرفاقه خذها براسك وفسر الحلم جهدا قبل ما يحلم عبدالله بن رمزي ويحمظ الفلم قصدي الحلم علي أبو علامه وهذا محرق العشاش عبدالرحيم بن قسقس ما عنه وعنك والرجال ما عنده وقت بيجيب الميشع |
اقتباس:
خلني أنا باتفاهم مع الرجاجيل وخلاص هم وافقوا يسوون عزيمة في جدة نناقش فيها موضوع الأحلام وجبل الشعبة من أكبر الداعمين لهذه الفكرة بس يقول ما يبغى لجان وستراتيجيات وآليات ... يعنى ثلاثة من الفراديق الصغار يطبخ عليها عبدالرحيم بن قسقس ذاك العشاء الهني والا مو هادا قصدك ياخال؟!:confused: شفت يا أبو علي المسألة بسيطة جداً .... والجماعة بس مختلفين على المكان وإن شاء الله يتحدد قريب!!!!:) (وينكم ياأهل مكة وينك ياعبدالله بن رمزي ويا عبدالرحيم بن رمزي دخيلكم لا تخلوني وحدي معهم) |
احمد فيصل ... يستاهل اللي على بيتالحنش ياهب ايده جنت على نفسها براقش وشلي وافكك منهم في رد واحد.. |
أنت اللي جنيت علينا يا عبد الله بن رمزي .... بأحلامك يوه..يوه..يوه.. وشبني نسيت نفسي لك اللي يرضيك يا بو سامي بس فكنا الله يفك عنك |
احمد بن فيصل
اشوفك مصدق صاحب الأحلام السعيدة ... دوبك تقول أنت اللي جنيت علينا ... وبعدها توكله يدافع عنك ويفكك منهم ... عز الله إنك لوقعت وما حد سمّى عليك الم تقرأ رده السابق ( يستاهل اللي على بيت الحنش اهب أيده ) شكلك وضعت يديك معاً في فم الحنش وليس على بيته .. لكن الله يعينك تتحمل ولا عاد تعلها ... |
والا مو هادا قصدك ياخال؟!
لا يا اخويه موقصدي هادا . انا قصدي شي تاني هناك في السيل الصغير والا اخوه الكبير او اي مكان تاني سوي عزومة الله يخليك ادبح واحد تيس او فردوق ونحنا جيين خلاص يا خويه فاهم قصدي ؟ ! يا الله تلحلح . |
اقول يابو سهيل الله يسهلك ماعد معك هرجة وقعت بين فكين جبل الشعبة وابو سامي الله يعينك على الخلاص . والسيل قريب منك وراس مالها تُويس وما يقتله هيا تلحلح على قول جبل الشعبة لا يجيك علم ثاني |
اللي في بطنه لحمه نيه توجعه ...الربع اللي كانو معك في السيل الصغير أقصد اللي كانو لوحدهم مع بعض الناس ذيب يحرشون جبل الشعبه وعبد الله بن رمزي وعلي أبو علامه أكلو اللحم ولبسوك بالكرش ..خلاص فك نفسك وكلها مقطوع تيس وتقطع كل حلم ...هاه وإش قلت.. قل تم.. |
مع إن ما لي ذنب في الموضوع وكان عندي أمل في عبدالرحيم بن قسقس اقتباس:
لكن الكثرة تغلب الشجاعة وماني شايف ولا واحد واقف معي أمرنا لله تم ... تم ...تم مدري كيف خرجت |
| الساعة الآن 12:43 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir